ពិធីចាប់ដំណើរការនៃឆ្នាំច្នៃប្រឌិតថ្មីរវាងចិននិងអាស៊ានប្រចាំឆ្នាំ២០១៨និងជាពិធីបើកធ្វើវេទិកាច្នៃប្រឌិតថ្មីរវាងចិននិងអាស៊ានបានរៀបចំធ្វើនៅទីក្រុងប៉េកាំងកាលពីថ្ងៃទី១២ខែមេសា។លោកLiKeQiangនាយករដ្ឋមន្រ្តីចិននិងលោកLeeHsienLoongនាយករដ្ឋមន្រ្តីសិង្ហបូរីបានផ្ញើរលិខិតជូនពរដោយឡែកពីគ្នា។
ក្នុងលិខិតជូនពរ លោកLiKeQiangបានថ្លែងថា ការធ្វើឲ្យស៊ីជម្រៅនូវការច្នៃប្រឌិតថ្មីនិងកិច្ចសហប្រតិបត្តិការផ្នែកវិទ្យាសាស្រ្តនិងបច្ចេកទេសគឺជាសេចក្តីត្រូវការរួមគ្នារបស់ប្រទេសចិននិងអាស៊ានដើម្បីទប់ទល់នឹងការប្រកួតប្រជែងមានលក្ខណៈពិភពលោកនិងសម្រេចការអភិវឌ្ឍជានិរន្តរភាព។សង្ឃឹមភាគីទាំងពីរចាត់ទុកឆ្នាំច្នៃប្រឌិតថ្មីរវាងចិននិងអាស៊ានជាកាលានុវត្តនភាព រួមគ្នាក្តាប់ឱកាសជាប្រវត្តិសាស្រ្តនៃបដិវត្តបច្ចេកវិទ្យា ដើម្បីជំរុញឲ្យកិច្ចសហប្រតិបត្តិការនិងការច្នៃប្រឌិតថ្មីផ្នែកវិទ្យាសាស្រ្តនិងបច្ចេកទេសដំឡើងគុណភាព និងផ្តល់កម្លាំងរស់រវើកថ្មីដល់កិច្ចសហប្រតិបត្តិការរវាងចិននិងអាស៊ាននិងជំរុញការអភិវឌ្ឍនៃតំបន់អាស៊ីបូព៌ា។