សុន្ទរកថាគន្លឹះរបស់លោកស៊ីជីនភីង ប្រធានរដ្ឋចិនដែលបានថែ្លងក្នុងសន្និសីទប្រចាំឆ្នាំនៃវេទិកាអាស៊ីក្រុងប៉អៅកាលពីថៃ្ងទី១០ ខែមេសាបានលើកឡើងពីវិធានការសំខាន់ៗចំនួន៤ សម្រាប់ការពង្រីកកំណែទម្រង់និងការបើកទូលាយបន្ថែមទៀតចំពោះបរទេសដែលទទួលបានការកោតសរសើរនិងការគាំទ្រយ៉ាងទូលំទូលាយពីសំណាក់សហគមន៍អន្តរជាតិ។
អ្វីដែលគួរឲ្យចាប់អារម្មណ៍នោះគឺ លោកត្រាំ ប្រធានាធិបតីអាមេរិកបានបង្ហោះអត្ថបទមួយនៅលើបណ្តាញទំនាក់ទំនងសង្គម Twitterរបស់ខ្លួន ដោយបង្ហាញថា ខ្ញុំសូមថែ្លងអំណរគុណយ៉ាងខ្លាំងចំពោះពាក្យសំដីប្រកបដោយមេត្រីភាពរបស់លោកប្រធានរដ្ឋចិន ស៊ីជីនភីង ស្តីពីបញ្ហាពន្ធគយនិងការនាំចូលរថយន្ត ហើយខ្ញុំក៏សូមថែ្លងអំណរគុណចំពោះសញ្ញាគោលនយោបាយរបស់លោកស៊ីជីនភីង ស្តីពីកម្មសិទ្ធិបញ្ញានិងការផ្លាស់ប្តូរបច្ចេកវិទ្យាផងដែរ។យើងនឹងទទួលបានការរីកចម្រើនកាន់តែធំទៀតជាមួយគ្នា!
ក្រោមបរិបទដែលអាមេរិកបង្ករឿងហេតុអំពីការយកពន្ធគយពាណិជ្ជកម្មចំពោះប្រទេសចិន អត្ថបទលើបណ្តាញtwitterរបស់លោកត្រាំដែលហាក់ដូចជាសំដែងពីមេត្រីភាពនោះគឺបង្ហាញពីភាពមិនធម្មតាទៅវិញទេ។
មុនដំបូង នេះជាកាយវិការរបស់លោកត្រាំដែលត្រូវធ្វើឡើងទាំងបង្ខិតដោយសាររងសម្ពាធពីពិភពលោក។
បន្ទាប់ពីលោកស៊ីជីនភីងបានថ្លែងសុន្ទរកថាគន្លឹះនៅក្រុងប៉អៅ សាធារណៈមតិនៅបស្ចិមប្រទេសបានធ្វើការបកស្រាយយ៉ាងសកម្មនូវសុន្ទរកថារបស់លោកស៊ីជីនភីង។កាសែតNewYorkថែមចុះផ្សាយថា សុន្ទរកថារបស់លោកស៊ីជីនភីងនិងពាក្យសម្តីបង្កជម្លោះរបស់លោកត្រាំនិងរដ្ឋាភិបាលរបស់លោកគឺមានភាពផ្ទុយគ្នាស្រឡះ។ទីភ្នាក់ងារAPអាមេរិកចុះផ្សាយថា លោកស៊ីជីនភីងខិតខំប្រឹងប្រែងឲ្យប្រទេសចិនក្លាយទៅជាអ្នកគាំពារពាណិជ្ជកម្មសេរីនិងកិច្ចសហប្រតិបត្តិការនៃពិភពលោក ខុសគ្នាស្រឡះជាមួយពាក្យស្លោករបស់លោកត្រាំដែលស្រែកថាអាមេរិកមានអាទិភាពនិងការដាក់កំហិតទៅលើការនាំចូលនិងពាណិជ្ជកម្ម។
ទី ២ ការថ្លែងអំណរគុណចំពោះប្រទេសចិនតាមពិតគឺចង់ពង្វាងសាធារណៈមតិអន្តរជាតិទៅផ្លូវខុស ។
ក្នុងអត្ថបទបង្ហោះលើបណ្តាញTwitter លោកត្រាំបានលើកឡើងអំពីវិធានការសម្រាប់បើកទូលាយចំពោះក្រៅប្រទេសថែមទៀតរបស់ប្រទេសចិន ដូចជាពន្ធគយ ការនាំចូលរថយន្តនិងកម្មសិទ្ធិបញ្ញាជាដើម ព្រមទាំងថ្លែងអំណរគុណចំពោះរឿងនេះ គឺក្នុងគោលបំណងពង្វាងឲ្យមជ្ឈដ្ឋានខាងក្រៅយល់ច្រឡំថាភាគីចិនបានធ្វើសម្បទានក្នុងរឿងនេះ គឺដើម្បីបង្កើតជាបរិយាកាសសាធារណៈមតិដែលមានប្រយោជន៍ដល់ខ្លួនឯង ។
ទី ៣ លួងលោមទីផ្សារអាមេរិក ដើម្បីបម្រើដល់នយោបាយក្នុងប្រទេស ។
និយាយចំពោះរដ្ឋាភិបាលលោកត្រាំ ការលំនឹងទីផ្សារមូលធនអាមេរិក ការត្រៀមរៀបចំសម្រាប់ការបោះឆ្នោតរយៈកាលកណ្តាលនៅខែវិច្ឆិកានិងការពង្រឹងឋានៈជាអាទិភាពរបស់បក្សសាធារណៈគឺជាកិច្ចការចម្បងក្នុងពេលបច្ចុប្បន្ន ។ ប្រព័ន្ធសារព័ត៌មានអាមេរិកបានវិភាគថា លោកត្រាំកំពុងភ្នាល់ជាមួយប្រទេសចិនដោយការប្រកួតប្រជែងខាងពាណិជ្ជកម្មដោយប្រើដើមទុនជាសេដ្ឋកិច្ចអាមេរិក អាណត្តិកាលប្រធានាធិបតីរបស់ខ្លួននិងអនាគតកាន់អំណាចរបស់បក្សសាធារណៈ ។
