ថ្ងៃទី១០ខែមេសា កិច្ចសន្ទនារវាងគណបក្សនយោបាយចិននិងអង់គ្លេសលើកទី១០បានបើកធ្វើនៅក្រុងប៉េកាំង ។ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិននិងលោកស្រី Theresa May មេដឹកនាំបក្សអភិរក្សអង់គ្លេសនិងជានាយករដ្ឋមន្ត្រីអង់គ្លេសបានផ្ញើសារលិខិតជូនពរចំពោះកិច្ចសន្ទនានេះ ។
លោក Song tao រដ្ឋមន្ត្រីក្រសួងទំនាក់ទំនងអន្តរជាតិនៃគណៈកម្មាធិការមជ្ឈិមបក្សកុម្មុយនិស្តចិនបានអានលិខិតជូនពររបស់លោកស៊ីជីនភីង និងថ្លែងសុន្ទរកថាគន្លឹះ ។ លោក Song tao បានថ្លែងថា លោកប្រធានរដ្ឋចិនស៊ីជីនភីងនិងលោកស្រី Theresa May នាយករដ្ឋមន្ត្រីអង់គ្លេសបានផ្ញើសារលិខិតជូនពរចំពោះខួបឆ្នាំទី១០នៃកិច្ចសន្ទនានេះ និងបានកោតសរសើរនិងផ្តល់ការគាំទ្រយ៉ាងពេញទំហឹងចំពោះកិច្ចសន្ទនារវាងគណបក្សនយោបាយ ជាការបង្ហាញឲ្យឃើញនូវសមិទ្ធផលដ៏លេចធ្លោនៃកិច្ចសន្ទនារវាងគណបក្សនយោបាយ ហើយកម្លាំងឥទ្ធិពលបានកើនឡើងឥតឈប់ឈរ ។ សង្ឃឹមភាគីទាំងពីរអាចឆ្លៀតឱកាសកិច្ចសន្ទនាលើកនេះ ធ្វើការផ្លាស់ប្តូរយ៉ាងស៊ីជម្រៅ ប្រមូលផ្តុំគំនិតឯកភាពគ្នា ដើម្បីរួមចំណែកថ្មីចំពោះយុគសម័យមាសនៃទំនាក់ទំនងចិននិងអង់គ្លេស និងដើម្បីរួមគ្នាបង្កើតអនាគតកាន់តែល្អបវរសម្រាប់ទំនាក់ទំនងរវាងចិននិងអង់គ្លេសផងដែរ ។