លោក XiJinpingប្រធានរដ្ឋចិនបានជួបសំណេះសំណាលជាមួយសហគ្រិនចិននិងបរទេសដែលអញ្ជើញចូលរួមសន្និសីទប្រចាំឆ្នាំ ២០១៨ នៃវេទិកាអាស៊ីក្រុងប៉អៅនៅក្រុងប៉អៅ ខេត្តហៃណាន ប្រទេសចិននៅថ្ងៃទី ១១ ខែមេសា ។
ក្នុងពិធីសំណេះសំណាល លោកXiJinping បានគូសបញ្ជាក់ថា ទិសដៅធំរបស់ប្រទេសចិននាពេលបច្ចុប្បន្នគឺខិតខំប្រឹងប្រែងដើម្បីសម្រេចបាននូវគោលដៅ " ១ សតវត្សរ៍ទាំង២ " ។ មាគ៌ាដែលប្រទេសចិនកំពុងដើរនោះគឺមាគ៌ាសង្គមនិយមដែលប្រកបដោយលក្ខណៈពិសេសចិន និងជាមាគ៌ាដែលប្រកាន់ខ្ជាប់ការធ្វើកំណែទម្រង់និងបើកទូលាយ ។ យើងនឹងប្រកាន់ខ្ជាប់ការអភិវឌ្ឍសេដ្ឋកិច្ចពិភពលោកបែបបើកទូលាយដោយមិនងាករេ ដើម្បីរួមចំណែកក្នុងការអភិវឌ្ឍនៃអាស៊ីនិងពិភពលោក សូមស្វាគមន៍ប្រទេសនានា ចែករំលែកនូវសមិទ្ធផលនៃការធ្វើកំណែទម្រង់ ការបើកទូលាយនិងការអភិវឌ្ឍរបស់ប្រទេសចិន ។ ប្រទេសចិននឹងបង្កបង្កើតបរិយាកាសកាន់តែធូររលុងនិងមានរបៀបរៀបរយដល់សហគ្រិនចិននិងបរទេសក្នុងការបណ្តាក់ទុននិងបង្កើតមុខរបរ ។ សង្ឃឹមថា សហគ្រិននៃប្រទេសនានាអាចទទួលបានការអភិវឌ្ឍយ៉ាងខ្លាំងក្លាក្នុងដំណើរធ្វើកំណែទម្រង់និងបើកទូលាយក្នុងយុគសម័យថ្មីរបស់ប្រទេសចិន ។
តំណាងសហគ្រិនចិននិងបរទេសដែលចូលរួមពិធីសំណេះសំណាលចំនួន ៩ រូបបានថ្លែងពីមតិយោបល់របស់ខ្លួនជាបន្តបន្ទាប់ ដោយបង្ហាញពីភាពរីករាយក្នុងក្តាប់ជាប់កាលានុវត្តភាព សកម្មចូលរួមក្នុងដំណើរកំណែទម្រង់និងបើកទូលាយរបស់ប្រទេសចិន រួមសហការគ្នាកសាង"ខ្សែក្រវាត់មួយនិងផ្លូវមួយ" ដើម្បីសម្រេចបាននូវការអភិវឌ្ឍកាន់តែ សំខាន់របស់សហគ្រាស ក៏ដូចជារួមគ្នាខិតខំប្រឹងប្រែងជំរុញឲ្យសេដ្ឋកិច្ចអាស៊ីនិងពិភពលោកដើរឆ្ពោះទៅកាន់ភាពរុងរឿងផងដែរ ។