លោក Geng shuang ថ្លែងថា កំហុសរបស់ភាគីអាមេរិកបាននាំឲ្យសហគមន៍អន្តរជាតិមានការព្រួយបារម្ភជាទូទៅ ភាគីចិនមានជំនឿចិត្តថា នឹងអាចឈ្នះនៅទីបំផុត

ថ្ងៃទី៩ខែមេសា លោក Geng shuang អ្នកនាំពាក្យក្រសួងការបរទេសចិនបានថ្លែងថា ឥស្សរជនដែលមានការយល់ដឹងនៃសហគមន៍អន្តរជាតិបានសម្គាល់ឃើញជាទូទៅថា ឯកតោភាគីនិយមនិងការគាំពារនិយមមិនមែនជាមធ្យោបាយសម្រាប់ដោះស្រាយបញ្ហានោះទេ មានតែការធ្វើកិច្ចសហប្រតិបត្តិការអន្តរជាតិនិងការសម្របសម្រួលជាពហុភាគីទើបជាច្រកចេញ ហើយត្រូវតែគោរពតាមរបៀបរៀបរយនិងសណ្តាប់ធ្នាប់អន្តរជាតិដែលមានច្បាប់កំណត់ជាមូលដ្ឋាន ។

លោក Geng shuang បានគូសបញ្ជាក់ទៀតថា ភាគីចិនរីករាយរួមសហការជាមួយសហគមន៍អន្តរជាតិ ដើម្បីបង្កបង្កើតសេដ្ឋកិច្ចពិភពលោកដែលបើកទូលាយ ជំរុញការធ្វើសមាហរណកម្មសេដ្ឋកិច្ចពិភពលោកឲ្យវិវឌ្ឍរីកចម្រើនទៅកាន់ទិសដៅដែលកាន់តែបើកទូលាយ ប្រកបដោយបរិយាប័ន្ននិងឈ្នះ-ឈ្នះ ដើម្បីរួមវិភាគទានកាន់តែធំចំពោះការរីកចម្រើនរបស់មនុស្សជាតិ ។