កិច្ចប្រជុំជាន់ខ្ពស់ក្រុងតាស្កិនស្តីពីបញ្ហាអាហ្វហ្គានីស្ថាននឹងបើកធ្វើនៅថ្ងៃទី២៧ខែមីនាខាងមុខ លោកស្រីហួឈុនយីងអ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងថា ភាគីចិនគាំទ្រចំពោះកិច្ចខិតខំប្រឹងប្រែងណាមួយដែលមានអំណោយផលដល់ការជំរុញកិច្ចកសាងអាហ្វាហ្គានីស្ថានឡើងវិញដោយសន្តិភាពនិងការផ្សះផ្សារជនជាតិ រីករាយក្នុងការរួមសហការជាមួយសហគមន៍អន្តរជាតិ ដើម្បីបន្តផ្តល់ការគាំទ្រនិងជំនួយឧបត្ថម្ភដល់អាហ្វហ្គានីស្ថានក្នុងការសម្រេចបាននូវប្រទេសមានសុខសន្តិភាពនិងការអភិវឌ្ឍក្នុងពេលឆាប់ៗ ក៏ដូចជានឹងដើរតួនាទីក្នុងន័យស្ថាបនា។
សូមបញ្ជាក់ថា លោកលីប៉ោតុងអនុរដ្ឋមន្រ្តីការបរទេសចិននឹងដឹកនាំគណៈប្រតិភូរដ្ឋាភិបាលចិនអញ្ជើញចូលរួមកិច្ចប្រជុំលើកនេះ៕
