រ៉ុកកែតដឹកជញ្ជូនចិនគ្រោងនឹងបង្ហោះចេញពីផ្ទៃសមុទ្រជាលើកទីមួយនៅឆ្នាំ២០១៨នេះ
2018-03-03 15:43:24 cri Web Editor:Deng
លោក Li Hong សមាជិកសភាប្រឹក្សានយោបាយប្រជាជនទូទាំងប្រទេសចិន និងជាប្រធានវិទ្យាស្ថានសិក្សាស្រាវជ្រាវបច្ចេកទេសរ៉ុកកែតដឹកជញ្ជូននៃក្រុមហ៊ុនបច្ចេកវិទ្យានិងវិទ្យាសាស្ត្រអវកាសចិនគ្រុបបានថ្លែងនៅថ្ងៃទី ២ ខែមីនាថា ឆ្នាំនេះ រ៉ុកកែតសញ្ញា Changzheng លេខ ១១ គ្រោងនឹងបំពេញភារវកិច្ចបង្ហោះចំនួន "4+1" លើក ជាក់ស្តែងគឺ ៤ លើកបង្ហោះចេញពីផ្ទៃដីសម្រាប់ការធ្វើពាណិជ្ជកម្ម និងមួយលើកទៀតបង្ហោះចេញពីផ្ទៃសមុទ្រ។ ការបង្ហោះចេញពីផ្ទៃសមុទ្រនៃរ៉ុកកែតសញ្ញា Changzheng លេខ ១១ គឺជាការបង្ហោះពីផ្ទៃសមុទ្រជាលើកដំបូងនៃរ៉ុកកែតដឹកជញ្ជូនដែលផលិតដោយប្រទេសចិន៕