ថ្ងៃទី ៦ ខែសីហា ឆ្នាំ ២០១៧ ក្នុងសនិ្នសីទរដ្ឋមន្ត្រីការបរទេសចិននិងអាស៊ានដែលធ្វើឡើងនៅក្រុងម៉ានីលប្រទេសហ្វីលីពីន គ្រប់ភាគីបានឈានដល់គំនិតឯកភាពលើក្របខ័ណ្ឌក្រមប្រតិបតិ្តសមុទ្រចិនខាងត្បូង ដែលបានតាំងជាមូលដ្ឋានដ៏ល្អប្រសើរសម្រាប់ការធ្វើកិច្ចពិគ្រោះពិភាក្សាជាក់ស្តែងអំពីក្រមប្រតិបតិ្តនេះនៅពេលអនាគត ។ ថ្ងៃទី ១៣ ខែវិចិ្ឆកា ក្នុងសន្និសីទថ្នាក់ដឹកនាំចិននិងអាស៊ានលើកទី២០ ដែលបើកធ្វើនៅក្រុងម៉ានីល ប្រទេសចិននិងប្រទេសជាសមាជិកអាស៊ានបានប្រកាសពីការចាប់ផ្តើមធ្វើការពិគ្រោះពិភាក្សាអំពីសេចកី្តព្រាងក្រមប្រតិបតិ្តសមុទ្រចិនខាងត្បូង ដែលបានបង្ហាញឲ្យឃើញនូវនិន្នាការវិជ្ជមាននៃស្ថានការណ៍នៅសមុទ្រចិនខាងត្បូងក្នុងពេលបច្ចុប្បន្ន ក៏ដូចជាគំនិតឯកភាពរួមរបស់ភាគីទាំងពីរក្នុងន័យធ្វើកិច្ចខិតខំប្រឹងប្រែងដើម្បីគាំពារសន្តិភាពនិងស្ថិរភាពក្នុងតំបន់ ៕