ថ្ងៃទី១៤ ខែវិច្ឆិកា ឆ្នាំ២០១៧ សន្និសីទនៃថ្នាក់ដឹកនាំរបស់អង្គការកិច្ចព្រមព្រៀងទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់(ហៅកាត់ថាអង្គការRCEP)ដែលដឹកនាំជាសំខាន់ដោយអាស៊ានដឹកនាំបានរៀបចំធ្វើឡើងនៅទីក្រុងម៉ានីលក្នុងអំឡុងពេលបើកធ្វើសន្និសីទកំពូលអាស៊ាននិងកិច្ចប្រជុំពាក់ពន្ធមួយចំនួន។នេះជាការបើកធ្វើសន្និសីទថ្នាក់ដឹកនាំជាលើកដំបូងរបស់ប្រទេសពាក់ព័ន្ធពីយន្តការចរចាRCEPបានចាប់ដំណើរការនៅឆ្នាំ២០១២មក។ថ្នាក់ដឹកនាំនៃប្រទេសទាំង១៦ រួមមានសមាជិកប្រទេសអាស៊ានទាំង១០និងប្រទេសចិន ជប៉ុនកូរ៉េខាងត្បូង អូស្ត្រាលី នូវែលសេឡង់និងឥណ្ឌាបានថ្លែងថា RCEPត្រូវរៀបចំឡើងវិញនូវកិច្ចព្រមព្រៀងពាណិជ្ជកម្មសេរីដែលមានស្រាប់និងត្រូវគិតពិចារណាដល់កម្រិតអភិវឌ្ឍន៍ខុសគ្នានៃភាគីជាសមាជិក ដើម្បីបន្ថែមភាពរស់វើកមួយចំនួន ក្រោមសភាពដែលសមស្របនឹងកិច្ចព្រមព្រៀងពាណិជ្ជកម្មសេរីដែលមានស្រាប់ រួមមានការដាក់ចេញលក្ខណៈពិសេសនិងលក្ខណៈទីទៃគ្នាជាដើម។ថ្នាក់ដឹកនាំគ្រប់រូបក៏បានរំលឹកឡើងវិញថា នឹងខិតខំប្រឹងប្រែងដើម្បីសម្រេចបាននូវព្រមព្រៀងមួយដែលទំនើប គ្រប់ជ្រុងជ្រោយ មានគុណភាពខ្ពស់និងផ្តល់ផលប្រយោជន៍ទៅវិញទៅមក។លោកLeLuongMinhអគ្គលេខាធិការបានថ្លែងថា បច្ចុប្បន្ននេះ ការចរចាបានឈានចូលដំណាក់កាលចុងក្រោយហើយ សង្ឃឹមភាគីនានាខិតខំប្រឹងប្រែងដើម្បីពន្លឿនដំណើរវិវឌ្ឍន៍កិច្ចចរចារ៕