សន្និសីទការងារសេដ្ឋកិច្ចមជ្ឈិមបានបើកធ្វើពីថ្ងៃទី១៨ដល់ថ្ងៃទី២០ខែធ្នូនៅក្រុងប៉េកាំង ។ លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានថ្លែងសុន្ទរកថាសំខាន់ក្នុងសន្និសីទលើកនេះ ដោយបានបូកសរុបដំណើរអភិវឌ្ឍន៍សេដ្ឋកិច្ចប្រទេសចិនចាប់តាំងពីសមាជបក្សកុម្មុយនិស្តចិនលើកទី១៨រៀងមក វិភាគអំពីស្ថានការណ៍សេដ្ឋកិច្ចនាពេលបច្ចុប្បន្ន និងការរៀបចំការងារសេដ្ឋកិច្ចឆ្នាំ២០១៨ ។ សន្និសីទសម្គាល់ថា គំនិតសេដ្ឋកិច្ចសង្គមនិយមមានលក្ខណៈពិសេសចិនក្នុងយុគសម័យថ្មីជាសមិទ្ធផលនៃទ្រឹស្តីដែលជំរុញការអភិវឌ្ឍសេដ្ឋកិច្ចប្រទេសចិនក្នុងរយៈពេល៥ឆ្នាំកន្លងទៅនេះ ជាសមិទ្ធផលថ្មីបំផុតនៃសេដ្ឋសាស្ត្រនយោបាយសង្គមនិយមលក្ខណៈពិសេសចិន ចាំបាច់ត្រូវតែប្រកាន់ខ្ជាប់ជាយូរអង្វែង ដើម្បីឆ្លើយតបនឹងការរីកចម្រើនឥតឈប់ឈរ ។