អ្នកជំនាញការនិងបញ្ញវន្តប្រទេសហ្វីលីពីនផ្តោតសំខាន់ទៅលើសមិទ្ធិផលនៃដំណើរទស្សនកិច្ចនៅប្រទេសហ្វីលីពីនរបស់លោកលីខឺឈាង នាយករដ្ឋមន្រ្តីចិន

លោកលីខឺឈាង នាយករដ្ឋមន្រ្តីចិនបានអញ្ជើញទៅក្រុងម៉ានីលប្រទេសហ្វីលីពីនដើម្បីចូលរួមសន្និសីទថ្នាក់ដឹកនាំអាស៊ីខាងកើតមួយចំនួនព្រមទាំងបំពេញទស្សនកិច្ចជាផ្លូវការនៅប្រទេសហ្វីលីពីនទៀតផងកាលពីថៃ្ងទី១២ដល់ថៃ្ងទី១៦ ខែវិច្ឆិកា។ក្នុងពេលផ្តល់បទសម្ភាសន៍ដល់អ្នកយកព័ត៌មានរបស់វិទ្យុយើងខ្ញុំ លោកLucio Pitlo អ្នកជំនាញការអំពីបញ្ហាប្រទេសចិននៃមហាវិទ្យាល័យAteneo de Manila ប្រទេសហ្វីលីពីនបានថែ្លងថា ដំណើរទស្សនកិច្ចរបស់លោកលីខឺឈាង នាយករដ្ឋមន្រ្តីចិនលើកនេះទទួលបាននូវសមិទ្ធិផលយ៉ាងច្រើននិងជាក់ស្តែង ហើយមានសារសំខាន់យ៉ាងខ្លាំងក្លាចំពោះកិច្ចសហប្រតិបត្តិការនៃតំបន់និងការអភិវឌ្ឍនៃទំនាក់ទំនងរវាងចិននិងហ្វីលីពីនទៀតផង។បច្ចុប្បន្ននេះ តំបន់អាស៊ីខាងកើតកំពុងប្រឈមមុខនឹងឱកាសសំខាន់ៗនៃការអភិវឌ្ឍសេដ្ឋកិច្ច សន្តិភាពនិងស្ថេរភាពជាមូលដ្ឋានដែលបណ្តាប្រទេសក្នុងតំបន់ឆ្លៀតប្រើឱកាសនេះសម្រាប់អភិវឌ្ឍសេដ្ឋកិច្ច។ក្នុងនាមជាមហាប្រទេសក្នុងតំបន់ ប្រទេសចិនអាចដើរតួនាទីជាគំរូនិងណែនាំក្នុងការធានារក្សាសន្តិភាពនិងស្ថិរភាព៕