ថៃ្ងទី១៩ ខែវិច្ឆិកា អំឡុងពេលអញ្ជើញបំពេញទស្សនកិច្ចនៅប្រទេសមីយ៉ាន់ម៉ា លោកវ៉ាងយី រដ្ឋមន្រ្តីក្រសួងការបរទេសចិនបានជួបសន្ទនាការងារជាមួយលោកស្រីAung San SuuKyi ទីប្រឹក្សាកិច្ចការរដ្ឋមីយ៉ាន់ម៉ានិងជារដ្ឋមន្រ្តីក្រសួងការបរទេសព្រមទាំងបានស្នើកសាងរបៀងសេដ្ឋកិច្ចរវាងចិននិងមីយ៉ាន់ម៉ា។
លោកវ៉ាងយី រដ្ឋមន្រ្តីក្រសួងការបរទេសចិនបានថែ្លងក្នុងសន្និសីទសារព័ត៌មានបន្ទាប់ពីជួនសន្ទនាការងារជាមួយលោកស្រីAung San Suu Kyi ថា ភាគីចិនបានចាត់ទុកភាគីមីយ៉ាន់ម៉ាជាដៃគូសំខាន់សម្រាប់កិច្ចកសាងគំនិតផ្តួចផ្តើមខ្សែក្រវាត់មួយនិងផ្លូវមួយសក្តានុពលនៃកិច្ចសហប្រតិបត្តិការរួមគ្នាកាន់តែធំសម្បើម ហេតុដូច្នេះ ភាគីចិនបានស្នើកសាងរបៀងសេដ្ឋកិច្ចរវាងចិននិងមីយ៉ាន់ម៉ាដើម្បីពង្រឹងទំនាក់ទំនងដៃគូកិច្ចសហប្រតិបត្តិការយុទ្ធសាស្រ្តគ្រប់ជ្រុងជ្រោយរវាងចិននិងមីយ៉ានម៉ានិងធ្វើឲ្យកិច្ចសហប្រតិបត្តិការជាក់ស្តែងកាន់តែស៊ីជម្រៅថែមមួយកម្រិតទៀត។
