ក្នុងអំឡុងពេលសន្និសីទកំពូលអាស៊ានលើកទី ៣១ និងសនិ្នសីទពាក់ព័ន្ធមួយចំនួនរបស់ថ្នាក់ដឹកនាំស្តីពីកិច្ចសហប្រតិបតិ្តការអាស៊ីបូព៌ានៅក្រុងម៉ានីលរដ្ឋធានីប្រទេសហ្វីលីពីន ប្រទេសចិនបានលើកឡើងថា រួមគ្នារៀបចំឯកសារទស្សនទានអភិវឌ្ឍន៍ទំនាក់ទំនងរវាងចិននិងអាស៊ាន រីករាយសហការជាមួយបណ្តាប្រទេសអាស៊ានដើម្បីជំរុញការតភ្ជាប់រវាងគំនិតផ្តួចផ្តើម "ខ្សែក្រវាត់មួយនិងផ្លូវមួយ"និងផែនការអភិវឌ្ឍន៍របស់អាស៊ាន ដោយប្រកាន់ខ្ជាប់នូវគោលការណ៍ពិគ្រោះពិភាក្សាគ្នា ស្ថាបនានិងចែករំលែកជាមួយគ្នា ដើម្បីរួមគ្នាជំរុញការកសាងសហគមន៍សេដ្ឋកិច្ចអាស៊ីបូព៌ានិងសមាហរណកម្មអាស៊ីបូព៌ា ក៏ដូចជាបង្កើនកម្លាំងចលករសម្រាប់បង្កើតសេដ្ឋកិច្ចពិភពលោកដែលប្រកបដោយភាពបើកទូលាយ ។
ទាក់ទិននឹងការនេះ សហគមន៍អន្តរជាតិបានវាយតម្លៃវិជ្ជមាន ហើយសម្គាល់ថា ទំនាក់ទំនងរវាងចិននិងអាស៊ាននឹងឈានចូលយុគសម័យថី្ម ហើយរំពឹងទុកថា ប្រទេសចិននិងដៃគូក្នុងតំបន់អាស៊ីបូព៌ានឹងពង្រីកកិច្ចសហប្រតិបតិ្តការ ពួតដៃគ្នាដើម្បីបង្កើតសហគមន៍រួមវាសនារបស់មនុស្សជាតិ និងរួមវិភាគទានដល់សន្តិភាព ស្ថរិភាពនិងភាពរុងរឿងក្នុងតំបន់ ៕