ថ្ងៃទី១៣ខែវិច្ឆិកា លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានជួបពិភាក្សាជាមួយលោកTran Dai Quangប្រធានរដ្ឋវៀតណាមនៅទីស្តីការប្រធានរដ្ឋក្រុងហាណូយ។
ថ្លែងក្នុងកិច្ចជំនួប លោកស៊ីជីនភីងបានលើកឡើងថា ប្រទេសចិននិងវៀតណាមជាប្រទេសសង្គមនិយមនៅជិតខាងគ្នានិងជាដៃគូសហប្រតិបត្តិការដ៏សំខាន់ ប្រព័ន្ធរបបនយោបាយដូចគ្នានិងគោលដៅអភិវឌ្ឍដូចគ្នាបានជំរុញឲ្យជោគវាសនានៃបក្សទាំងពីរ ប្រទេសទាំងពីរនិងប្រជាជននៃប្រទេសទាំងពីរចិននិងវៀតណាមតភ្ជាប់គ្នាយ៉ាងជិតស្និទ្ធ។បក្សនិងរដ្ឋាភិបាលចិនយកចិត្តទុកដាក់ខ្ពស់ដល់ទំនាក់ទំនងរវាងចិននិងវៀតណាម នឹងប្រកាន់ខ្ជាប់យ៉ាងរឹងមាំនូវគោលការណ៍ណែនាំជាមូលដ្ឋានស្តីពីការចងចំណងមេត្រីភាពជាមួយប្រទេសវៀតណាម ធ្វើការខិតខំប្រឹងប្រែងដើម្បីបង្កើនកិច្ចសហប្រតិបត្តិការជាយុទ្ធសាស្រ្តគ្រប់ជ្រុងជ្រោយរវាងប្រទេសទាំងពីរ ក្នុងន័យផ្តល់សេចក្តីសុខសុភមង្គលយ៉ាងប្រាកដប្រជាដល់ប្រជាជននៃប្រទេសទាំងពីរ៕
