សប្តាហ៍កិច្ចប្រជុំថ្នាក់អ្នកដឹកនាំនៃអង្គការកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ឆ្នាំ ២០១៧ កំពុងបើកធ្វើនៅទីក្រុងដាណាងប្រទេសវៀតណាម។ ក្នុងនោះ កិច្ចប្រជុំក្រៅផ្លូវការអ្នកដឹកនាំលើកទី ២៥ នៃ អង្គការ APEC ដែលគ្រោងនឹងធ្វើឡើងពីថ្ងៃទី ១០ ដល់ទី ១១ ខែវិច្ឆិកាខាងមុខនេះ គឺជាសកម្មភាពដែលត្រូវគេយកចិត្តទុកដាក់ខ្ពស់បំផុត។លោក ស៊ី ជីនភីង ប្រធានរដ្ឋចិននឹងអញ្ជើញចូលរួមកិច្ចប្រជុំនេះ។ ពេលទទួលបទសម្ភាសពីអ្នកយកព័ត៌មាននៃវិទ្យុអន្តរជាតិចិន អ្នកជំនាញការខាងបញ្ហាចិននៃប្រទេសវៀតណាម និងវាគ្មិនផ្សេងទៀតសុទ្ធតែបានថ្លែងថា ខ្លួនទន្ទឹមរង់ចាំការអញ្ជើញមកដល់និងចូលរួមរបស់លោក ស៊ី ជីនភីង ប្រធានរដ្ឋចិន សង្ឃឹមថាប្រទេសចិនអាចដើរតួនាទីកាន់តែសំខាន់ក្នុងការជំរុញសកលភាវូបនីយកម្មនិងភាពងាយស្រយលខាងពាណិជ្ជកម្ម៕