ថ្ងៃទី៩ខែវិចិ្ឆកា មុនពេលអញ្ជើញទៅបំពេញទស្សនកិច្ចផ្លូវរដ្ឋនៅប្រទេសវៀតណាម លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានចុះផ្សាយអត្ថបទចុះឈ្មោះក្រោមចំណងជើងថា 《ត្រួសត្រាយស្ថានភាពថ្មីនៃមិត្តភាពចិននិងវៀតណាម》លើកាសែត Nhan Dan របស់វៀតណាម ។
លោក ស៊ីជីនភីងគ្រោងនឹងអញ្ជើញទៅបំពេញទស្សនកិច្ចផ្លូវរដ្ឋនៅប្រទេសវៀតណាមតបតាមសេចក្តីអញ្ជើញរបស់លោក Nguyen Phu Trong អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តវៀតណាម និងលោក Tran Dai Quang ប្រធានរដ្ឋវៀតណាម ទស្សនកិច្ចរបស់លោកស៊ីជីនភីងលើកនេះគឺជាការសម្រេចនៃដំណើរផ្លាស់ប្តូរទស្សនកិច្ចគ្នាម្តងទៀតរវាងអ្នកដឹកនាំកំពូលនៃបក្សទាំងពីរនិងប្រទេសទាំងពីរក្នុងរយៈពេលពីរឆ្នាំកន្លងទៅនេះ ។ កិច្ចសហប្រតិបត្តិការជាក់ស្តែងរវាងប្រទេសទាំងពីរត្រូវពង្រីកយ៉ាងជ្រាលជ្រៅ ។
