ថ្ងៃទី៣ខែវិចិ្ឆកា លោក Nguyen Phu Trong អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តវៀតណាម និងលោក Nguyen Xuan Phuc នាយករដ្ឋមន្ត្រីវៀតណាមបានជួបសន្ទនាជាមួយលោក វ៉ាងយី រដ្ឋមន្ត្រីការបរទេសចិនដោយឡែកពីគ្នានៅក្រុងហាណូយ ។
លោក Nguyen Phu Trong និងលោក Nguyen Xuan Phuc បានជូនពរយ៉ាងរាក់ទាក់ចំពោះសមាជបក្សកុម្មុយនិស្តចិនលើកទី១៩ដែលបានទទួលជោគជ័យយ៉ាងគាប់ប្រសើរ និងជូនពរចំពោះការដែលគំនិតស្តីពីសង្គមនិយមដ៏មានលក្ខណៈពិសេសចិនក្នុងយុគសម័យថ្មីរបស់លោក ស៊ីជីនភីង ប្រធានរដ្ឋចិនត្រូវបញ្ជាក់ជាគតិណែនាំរបស់បក្សកុម្មុយនិស្តចិន ហើយបានបង្ហាញថា ភាគីវៀតណាមនឹងរៀនសូត្រនិងស្វែងយល់ពីស្មារតីនៃសមាជបក្សកុម្មុយនិស្តចិនលើកទី១៩ រៀនសូត្រពីបទពិសោធន៍ដ៏មានផលប្រយោជន៍និងជោគជ័យ ដើម្បីជំរុញបុព្វហេតុអភិវឌ្ឍសង្គមនិយមរបស់ប្រទេសខ្លួន ។ ភាគីវៀតណាមយកចិត្តទុកដាក់ខ្ពស់ចំពោះការដែលលោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនដែលជិតនឹងអញ្ជើញទៅចូលរួមសន្និសីទក្រៅផ្លូវការនៃថ្នាក់ដឹកនាំអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ព្រមទាំងបំពេញទស្សនកិច្ចផ្លូវរដ្ឋនៅប្រទេសវៀតណាម ហើយវៀតណាមនឹងខិតខំប្រឹងប្រែង ត្រៀមរៀបចំយ៉ាងម៉ត់ចត់ ដើម្បីធានាឲ្យដំណើរទស្សនកិច្ចលើកនេះទទួលជោគជ័យយ៉ាងគាប់ប្រសើរ ។
