ថ្ងៃទី៣ ខែវិចិ្ឆកា លោកNguyenPhuTrongអគ្គលេខាធិការនៃគណៈកម្មធិការមជ្ឈិមបក្សកុម្មុយនិស្តវៀតណាមបានជួបពិភាក្សាការងារជាមួយលោកWangYiរដ្ឋមន្ត្រីក្រសួងការបរទេសចិននៅទីក្រុងហាណូយប្រទេសវៀតណាម។
លោកNguyenPhuTrongបានសម្តែងការអបអរសាទរយ៉ាងកក់ក្តៅចំពោះភាពជោគជ័យត្រចះត្រចង់នៃការបើកធ្វើសមាជបក្សកុម្មុយនិស្តចិនលើកទី១៩ហើយថ្លែងថា បក្សកុម្មុយនិស្តវៀតណាមនឹងរៀនសូត្រនិងស្វែងយល់អំពីស្មារតីនៃសមាជបក្សកុម្មុយនិស្តចិនលើកទី១៩ ដើម្បីដកយកបទពិសោធន៍ដ៏ជោគជ័យ និងដើម្បីជំរុញការអភិវឌ្ឍបុព្វហេតុសង្គមនិយមរបស់ខ្លួន។ភាគីវៀតណាមយកចិត្តទុកដាក់ខ្ពស់នូវដំណើរទស្សនកិច្ចរបស់លោកXiJinpingប្រធានរដ្ឋចិនលើកនេះដោយបានធ្វើការងារត្រៀមរៀបចំយ៉ាងផ្ចិតផ្ចង់ ដើម្បីធានាឲ្យដំណើរទស្សនកិច្ចលើកនេះទទួលបានជោគជ័យដ៏គាប់ប្រសើរ ក្នុងន័យលើកកម្ពស់នូវទំនាក់ទំនងរវាងបក្សនិងប្រទេសនៃប្រទេសទាំង២វៀតណាមនិងចិន៕
