ថ្ងៃទី ២០ ខែកញ្ញា លោកវ៉ាងអ៊ី រដ្ឋមន្រ្តីក្រសួងការបរទេសចិនបានអញ្ជើញចូលរួមសន្និសីទរដ្ឋមន្រ្តីក្រសួងការបរទេសរវាងប្រទេស ៦ និងអ៊ីរ៉ង់នៅទីស្នាក់ការទូទៅនៃអង្គការសហប្រជាជាតិនៅក្រុងញូវយ៉ក ។
លោកវ៉ាងអ៊ី បានថ្លែងថា កិច្ចព្រមព្រៀងគ្រប់ជ្រុងជ្រោយស្តីពីបញ្ហានុយគ្លេអ៊ែរអ៊ីរ៉ង់បានដោះស្រាយវិបត្តិនុយគ្លេអ៊ែរអ៊ីរ៉ង់ ពង្រឹងប្រព័ន្ធមិនរីកសាយភាយអាវុធនុយគ្លេអ៊ែរអន្តរជាតិដែលយកសន្ធិសញ្ញាស្តីពីការមិនរីកសាយភាយអាវុធនុយគ្លេអ៊ែរជាមូលដ្ឋាន ក្លាយជាសមិទ្ធផលដ៏សំខាន់នៃការគ្រប់គ្រងសន្តិសុខអន្តរជាតិ មានផលប្រយោជន៍ក្នុងការដោះស្រាយបញ្ហាក្តៅមួយចំនួនតាមរយៈវិធីនយោបាយនិងការទូតផងដែរ ។ លោកសង្ឃឹមថា សន្និសីទលើកនេះអាចមានសញ្ញាវិជ្ជមានសម្រាប់ផ្តល់ការគាំទ្រដល់កិច្ចព្រមព្រៀងគ្រប់ជ្រុងជ្រោយ និងច្របាច់បញ្ចូលនូវកម្លាំងចលករផ្នែកនយោបាយដើម្បីអនុវត្តកិច្ចព្រមព្រៀងគ្រប់ជ្រុងជ្រោយនេះប្រកបដោយប្រសិទ្ធភាព ៕
