ថ្ងៃទី ២០ ខែកញ្ញា លោកវ៉ាង អ៊ី រដ្ឋមន្រ្តីក្រសួងការបរទេសចិនបានអញ្ជើញចូលរួមសន្និសីទជាន់ខ្ពស់នៃក្រុមប្រឹក្សាសន្តិសុខស្តីពីប្រតិបត្តិការរក្សាសន្តិភាពនៃអង្គការសហប្រជាជាតិនៅក្រុងញូវយ៉ក ។
ក្នុងសុន្ទរកថា លោកវ៉ាងអ៊ី បានថ្លែងថា ប្រទេសចិនគាំទ្រដល់ការធ្វើកំណែទម្រង់ដោយសមរម្យនិងចាំបាច់ចំពោះប្រតិបត្តិការរក្សាសន្តិភាព ដើម្បីអនុវត្តឲ្យល្អពេញលេញនូវសិទ្ធិដែលគេបានប្រគល់ឲ្យ ។ កំណែទម្រង់ប្រតិបត្តិការរក្សាសន្តិភាពត្រូវអនុលោមតាមបទដ្ឋានជាមូលដ្ឋាននៃទំនាក់ទំនងអន្តរជាតិ ដូចជាមានសមភាពខាងអធិតេយ្យភាព មិនជ្រៀតជ្រែកកិច្ចការផ្ទៃក្នុង និងដោះស្រាយជម្លោះដោយសន្តិវិធី ជាដើម ៕
