ថ្ងៃទី ១៩ ខែកញ្ញាតាមម៉ោងតំបន់ លោក វ៉ាងអ៊ី រដ្ឋមន្ត្រីការបរទេសចិនបានអញ្ជើញចូលរួមកិច្ចប្រជុំសន្ទនាថ្នាក់ខ្ពស់ក្រៅផ្លូវការអំពីបញ្ហាបម្រែបម្រួលអាកាសធាតុនៅទីស្នាក់ការទូទៅនៃអង្គការសហប្រជាជាតិនៅក្រុងញូវយ៉ក ។
ក្នុងកិច្ចប្រជុំ លោក វ៉ាងអ៊ីបានថ្លែងថា ក្រោយពីកិច្ចព្រមព្រៀងក្រុងប៉ារីសមានសុពលភាពកាលពីខែវិចិ្ឆកានាឆ្នាំកន្លងទៅ កិច្ចប្រតិបតិ្តការនៃសហគមន៍អន្តរជាតិសម្រាប់ទប់ទល់នឹងការបម្រែបម្រួលអាកាសធាតុបានឈានដល់ដំណាក់កាលជាគន្លឹះ ។ សហគមន៍អន្តរជាតិគួរតែអនុវត្តការទប់ទល់នឹងការបម្រែបម្រួលអាកាសធាតុដោយគួបផ្សំជាមួយនិងរបៀបវារៈអភិវឌ្ឍន៍ប្រកបដោយចីរភាពឆ្នាំ ២០៣០ ឲ្យបានល្អ ដើម្បីស្វែងរកការអភិវឌ្ឍផងនិងទប់ទល់នឹងភាពប្រឈមឲ្យបានល្អទៀតផង ៕