ថ្ងៃទី ១៨ ខែកញ្ញា ក្នុងសនិ្នសីទសារព័ត៌មានជាប្រចាំដែលធ្វើឡើងនៅក្រុងប៉េកាំង លោក Lu Kang អ្នកនាំពាក្យក្រសួងការបរទេសចិនបានថ្លែងថា ប្រទេសចិនទទូចឲ្យប្រទេសជប៉ុនអនុវត្តជាក់ស្តែងតាមកិច្ចសន្យាឆ្លុះបញ្ចាំងលើប្រវត្តិសាស្ត្រ ដើម្បីដោះស្រាយបញ្ហាស្ត្រីបម្រើផ្លូវភេទក្នុងជួរកងទ័ពឲ្យបានសមរម្យដោយកាន់អាកប្បកិរិយាទទួលខុសត្រូវផងដែរ ។
តាមដំណឹងឲ្យដឹងថា ឯកសារអំពីបញ្ហាស្រ្តីបម្រើផ្លូវភេទក្នុងជួរកងទ័ពដែលលើកឡើងដោយសង្គមស៊ីវិលរបស់ប្រទេសចិននិងកូរ៉េខាងត្បូងសុរបមានចំនួន៨ប្រទេសនោះ មានលទ្ធភាពដាក់បញ្ចូលក្នុងសម្បតិ្តបេតិកភ័ណ្ឌនៃការចងចាំរបស់ពិភពលោកនៃអង្គការយូណេស្កូបើសិនជាទទួលបានការពិនិត្យនិងអនុម័តនៅខែក្រោយខាងមុខនេះ ។ តាមការសនិ្នដ្ឋាន បើសិនជាការស្នើសុំលើកនេះទទួលបានជោគជ័យ នោះសាធារណៈមតិក្នុងប្រទេសជប៉ុនដែលទាមទារឲ្យរដ្ឋាភិបាលបញ្ឈប់ទទួលបន្ទុកចំណាយសំណងរបស់អង្គការយូណេស្កូនឹងកាន់តែខ្លាំងឡើង ៕