ថ្ងៃទី២៣ខែសីហា លោកYang Jiechiទីប្រឹក្សាកិច្ចការរដ្ឋចិនបានពិភាក្សាការងារតាមទូរស័ព្ទជាមួយលោកTillerson រដ្ឋមន្រ្តីការបរទេសអាមេរិកតាមការណាត់ជួប។
លោកYang Jiechiបានថ្លែងថា បច្ចុប្បន្ន ភាគីទាំង២ចិននិងអាមេរិកបានរក្សាការប្រាស្រ័យទាក់ទងនិងកិច្ចសហប្រតិបត្តិការលើគ្រប់វិស័យយ៉ាងទូលំទូលាយ ប្រការនេះគឺសមស្របនឹងផលប្រយោជន៍របស់ប្រទេសទាំងពីរនិងពិភពលោក។ ភាគីទាំងពីរគប្បីអនុលោកតាមគំនិតឯកភាពដ៏សំខាន់របស់ប្រមុខរដ្ឋប្រទេសទាំងពីរ ដោយបង្កើនការប្រាស្រ័យទាក់ទងចាប់ពីថ្នាក់លើរហូតដល់ថ្នាក់ក្រោម។ សង្ឃឹមថាភាគីទាំងពីរអាចប្រកៀកស្មាគ្នាឈានទៅមុខ គោរពនិងផ្តល់ផលប្រយោជន៍ដល់គ្នា ត្រួសត្រាយកិច្ចសហប្រតិបត្តិការ ដោះស្រាយការខ្វែងគំនិតគ្នាដោយសមរម្យ ដើម្បីរួមគ្នារក្សានិន្នាការដ៏ល្អប្រសើរនៃការអភិវឌ្ឍទំនាក់ទំនងរវាងចិននិងអាមេរិក។
