កិច្ចចរចាស្តីពីការដកខ្លួនចេញពីសហភាពអឺរ៉ុបវគ្គទីពីររវាងប្រទេសអង់គ្លេសនិងសហភាពអឺរ៉ុបបានបញ្ចប់ហើយ បញ្ហាសំខាន់ៗដែលបានពិភាក្សានៅមិនទាន់ទទួលលទ្ធផលផ្លែផ្កាណាមួយនោះទេ

ថ្ងៃទី២០ខែកក្កដា ការចរចាស្តីពីការដកខ្លួនចេញពីសហភាពអឺរ៉ុបវគ្គទីពីររវាងប្រទេសអង់គ្លេសនិងសហភាពអឺរ៉ុបបានបញ្ចប់ហើយនៅទីស្នាក់ការទូទៅនៃគណៈកម្មាធិការសហភាពអឺរ៉ុបក្រុងព្រុចស៊ែល ។ ភាគីទាំងពីរមិនអាចឈានដល់មតិឯកភាពគ្នាអំពីបញ្ហាសំខាន់ៗដែលបានពិភាក្សាដូចជាថវិកាត្រូវបង់បន្ទាប់ពីដកខ្លួនចេញពីសហភាពអឺរ៉ុបនិងការគ្រប់គ្រងសិទ្ធិរបស់ប្រជាជននៅបរទេសជាដើម ។