សន្និសីទការងារហិញ្ញវត្ថុទូទាំងប្រទេសចិនបានបើកធ្វើនៅក្រុងប៉េកាំងពីថ្ងៃទី ១៤ ដល់ទី ១៥ ខែកក្កដា ។ លោកស៊ី ជីនភីង ប្រធានរដ្ឋចិន បានអញ្ជើញចូលរួមសន្និសីទលើកនេះ និងថ្លែងសុន្ទរកថាជាគន្លឹះ ។ លោកសង្កត់ធ្ងន់ថា ហិរញ្ញវត្ថុជាកម្លាំងស្នូលសម្រាប់ប្រកួតប្រជែងដ៏សំខាន់របស់រដ្ឋ សន្តិសុខផ្នែកហិរញ្ញវត្ថុជាចំណែកសំខាន់នៃសន្តិសុខជាតិ របបហិរញ្ញវត្ថុជារបបជាមូលដ្ឋានដ៏សំខាន់ក្នុងការអភិវឌ្ឍន៍សេដ្ឋកិច្ចនិងសង្គមកិច្ច ។ ចាំបាច់ត្រូវតែបង្កើនការដឹកនាំរបស់បក្សក្នុងការងារហិរញ្ញវត្ថុ ប្រកាន់ខ្ជាប់នូវទស្សនគោលធ្វើការដែលរក្សាភាពនឹងនរក្នុងការស្វែងរកការរីកចម្រើន អនុវត្តតាមក្បួនអភិវឌ្ឍផ្នែកហិរញ្ញវត្ថុ ព័ទ្ធជុំវិញភារកិច្ចចំនួន ៣ ដូចជាបម្រើការដល់អង្គភាពសេដ្ឋកិច្ចពិត បង្ការនិងគ្រប់គ្រងហានិភ័យហិរញ្ញវត្ថុ និងធ្វើឲ្យការកែទម្រង់ហិរញ្ញវត្ថុមានភាពកាន់តែស៊ីជម្រៅ ធ្វើការច្នៃប្រឌិតថ្មីនិងកែលម្អការសម្រួលនិងគ្រប់គ្រងផ្នែកហិរញ្ញវត្ថុ ធ្វើឲ្យមានភាពកាន់តែល្អពេញលេញនូវរបបសហគ្រាសហិរញ្ញវត្ថុទំនើប កែលម្អប្រព័ន្ធទីផ្សារហិរញ្ញវត្ថុ ជំរុញការកសាងក្របខ័ណ្ឌគ្រប់គ្រងផ្នែកហិរញ្ញវត្ថុទំនើប ពន្លឿនការកែប្រែបែបបទអភិវឌ្ឍហិរញ្ញវត្ថុ ធ្វើឲ្យនិតីរដ្ឋផ្នែកហិរញ្ញវត្ថុមានភាពកាន់តែល្អពេញលេញ ធានាដល់សន្តិសុខផ្នែកហិរញ្ញវត្ថុរបស់ប្រទេសជាតិ សំដៅជំរុញឲ្យសេដ្ឋកិច្ចនិងហិរញ្ញវត្ថុមានការអភិវឌ្ឍដោយបរិសុទ្ធនិងល្អប្រសើរ ៕
 |  |  |  |  |  |
