ថ្ងៃទី ១៥ ខែកក្កដា រដ្ឋាភិបាលអ៊ីរ៉ាក់បានរៀបចំពិធីត្រួតពលនៅក្រុងបាកដាត រដ្ឋធានីប្រទេសអ៊ីរ៉ាក់ ដើម្បីអបអរសាទរការរំដោះក្រុងMosul ។ លោកHaider al-Abadi នាយករដ្ឋមន្រ្តីនិងជាមេបញ្ជាការនៃកងកម្លាំងប្រដាប់អាវុធប្រទេសអ៊ីរ៉ាក់បានដឹកនាំឧត្តមមន្រ្តីនៃក្រសួងការពារជាតិនិងក្រសួងមហាផ្ទៃអ៊ីរ៉ាក់ទស្សនាពិធីត្រួតពលលើកនេះ ។
ឥស្សរជននៃស្ថាប័នសន្តិសុខអ៊ីរ៉ាក់ដែលមិនព្រមធ្លាយឈ្មោះបានប្រាប់អ្នកសារព័ត៌មាននៃទីភ្នាក់ងារសារព័ត៌មានស៊ីនហ្វាចិនថា ដោយសារគិតពិចារណាពីកត្តារសន្តិសុខ រដ្ឋាភិបាលមិនអនុញ្ញាតឲ្យប្រព័ន្ធសារព័ត៌មានទាំងក្នុងនិងក្រៅប្រទេសភាគច្រើនទៅដល់កន្លែងរៀបចំពិធីនោះទេ ។
ថ្ងៃទី ១០ ខែកក្កដា នៅបញ្ជាការដ្ឋាននៃកងទ័ពប្រឆាំងភេរវកម្មដែលស្ថិតនៅសមរភូមិក្រុងMosul លោកAbadi បានប្រកាសថា ការត្រួតត្រាចំពោះក្រុងMosulរបស់អង្គការជ្រុលនិយមរដ្ឋអ៊ីស្លាមបានត្រូវផ្តួលរលំទាំងស្រុងហើយ ទីក្រុងនេះត្រូវបានរំដោះទាំងស្រុង ៕