ថ្ងៃទី ២១ ខែមេសា លោកSergei Lavrov រដ្ឋមន្រ្តីក្រសួងការបរទេសរុស្ស៊ីបានធ្វើកិច្ចសន្ទនាតាមទូរស័ព្ទជាមួយលោកRex Tillerson រដ្ឋមន្រ្តីក្រសួងការបរទេសអាមេរិក ។ ភាគីទាំងពីរបានសន្យាគ្នាថា នឹងចាប់ដំណើរការការអនុវត្តការងាររបស់ក្រុមការងារចម្រុះថ្នាក់អនុរដ្ឋមន្រ្តីសំដៅខិតខំកែលម្អទំនាក់ទំនងទ្វេភាគី ។
ទាក់ទិននឹងរឿងវាយប្រហារដោយអាវុធគីមីនៅប្រទេសស៊ីរី ភាគីទាំងពីររុស្ស៊ីនិងអាមេរិកបានសន្យាគ្នាថា នឹងធ្វើការស្រាវជ្រាវថាតើមានលទ្ធភាពនឹងធ្វើការស៊ើបអង្កេតដោយយុត្តិធម៌ចំពោះរឿងនេះក្រោមកិច្ចសម្របសម្រួលរបស់អង្គការហាមឃាត់អាវុធគីមីដែរឬអត់ ។
ក្រៅពីនេះ លោក Lavrov បានគូសបញ្ជាក់ជាមួយលោក Tillerson ម្តងទៀត ដើម្បីទាមទារឲ្យភាគីអាមេរិកប្រគល់មកវិញនូវទ្រព្យសម្បត្តិការទូតរបស់ប្រទេសរុស្ស៊ីនៅអាមេរិកដែលត្រូវរឹបអូសដោយរដ្ឋាភិបាលរបស់លោកអូបាម៉ា អតីតប្រធានាធិបតី ៕
