តាមការផ្សាយដំណឹងនៃប្រព័ន្ធសារព័ត៌មានរបស់ប្រទេសអ៊ីរ៉ង់នៅថ្ងៃទី ២០ ខែមេសាបានឲ្យដឹងថា ពីថ្ងៃទី ១៨ ដល់ថ្ងៃទី ១៩ ខែមេសា ត្រីភាគីរួមមាន អ៊ីរ៉ង់ រុស្ស៊ីនិងតួកគីបានរៀបចំកិច្ចពិគ្រោះពិភាក្សាថ្នាក់អ្នកជំនាញការអំពីបញ្ហាស៊ីរី ក្នុងក្របខ័ណ្ឌនៃការចរចាសនិ្តភាព អាស្តាណា ។
ទីភ្នាក់ងារព័ត៌មានMehr នៃប្រទេសអ៊ីរ៉ង់បានផ្សាយដំណឹងថា ភាគីទាំង៣ បានធ្វើការពិគ្រោះពិភាក្សាគ្នាអំពីបញ្ហាមួយចំនួនដូចជាកិច្ចព្រមព្រៀងឈប់បាញ់របស់ស៊ីរី និងការប្តូរចំណាប់ខ្មាំងជាដើម ។ គណៈប្រតិភូអ្នកជំនាញការនៃអង្គការសហប្រជាជាតិក៏បានចូលរួមកិច្ចពិគ្រោះពិភាក្សាត្រីភាគីលើកនេះក្នុងឋានៈជាអ្នកសង្កេតការណ៍ផងដែរ ៕
