ថ្ងៃទី ២០ ខែមេសា នៅក្រុងគែរប្រទេសអេហ្ស៊ីប លោក Mattis រដ្ឋមន្ត្រីក្រសួងការពារជាតិរបស់សហរដ្ឋអាមេរិកបានថ្លែងថា អាមេរិកនឹងបង្កើនកិច្ចសហប្រតិបតិ្តការលើវិស័យការពារជាតិជាមួយប្រទេសអេហ្ស៊ីប ដើម្បីរួមគ្នាទប់ទល់នឹងការគំរាមកំហែងពីភេរវកម្មនិយម ។
នៅថ្ងៃដដែល ទីស្តីការប្រធានាធិបតីនៃប្រទេសអេហ្ស៊ីបបានចេញសេចកី្តថ្លែងការណ៍មួយថា ក្នុងពេលជួបសន្ទនាជាមួយនិងលោក Mattis លោក Sisi ប្រធានាធិបតីអេហ្ស៊ីបបានថ្លែងថា អាមេរិកគាំទ្រវិធានការប្រឆាំងភេរវកម្មរបស់រដ្ឋាភិបាលអេហ្ស៊ីប ព្រមទាំងរីករាយបង្កើនកិច្ចសហប្រតិបតិ្តការជាមួយប្រទេសអេហ្ស៊ីបលើគ្រប់វិស័យ ជាពិសេសអាមេរិកចង់ជំរុញឲ្យកិច្ចសហប្រតិបតិ្តការលើវិស័យការពារជាតិជាមួយអេហ្ស៊ីបឈានដល់កម្រិតកាន់តែខ្ពស់ថែមទៀត ដើម្បីទប់ទល់នឹងការបង្ករឿងផ្សេងៗដែលមជ្ឈិមបូព៌ាក៏ដូចជាពិភពលោកទាំងមូលកំពុងប្រឈមមុខ ៕
