ថ្ងៃទី២០ខែមេសា នៅក្រុងប៉េកាំងលោកChangWanquanទីប្រឹក្សាកិច្ចការរដ្ឋនិងជារដ្ឋមន្រ្តីការពារជាតិចិនបានជួបពិភាក្សាការងារជាមួយលោកស្រីMogheriniតំណាងជាន់ខ្ពស់ទទួលបន្ទុកការទូតនិងគោលនយោបាយសន្តិសុខនៃសហភាពអឺរ៉ុបដែលអញ្ជើញមកប្រទេសចិនដើម្បីចូលរួមកិច្ចសន្ទនាជាយុទ្ធសាស្រ្តជាន់ខ្ពស់រវាងចិននិងសហភាពអឺរ៉ុបលើកទី៧។
លោកChangWanquanបានថ្លែងថា ប៉ុន្មានឆ្នាំចុងក្រោយនេះ ទំនាក់ទំនងរវាងចិននិងអឺរ៉ុបបានរក្សានិន្នាការអភិវឌ្ឍន៍ដ៏ល្អប្រសើរ កិច្ចសហប្រតិបត្តិការផ្នែកកិច្ចការពារនិងសន្តិសុខរវាងចិននិងសហភាពអឺរ៉ុបមានភាពកាន់តែស៊ីជម្រៅ។ប្រទេសចិនរីករាយក្នុងការរួមសហការជាមួយសហភាពអឺរ៉ុប ក្នុងន័យជំរុញទំនាក់ទំនងរវាងចិននិងសហភាពអឺរ៉ុបឲ្យទទួលបានការអភិវឌ្ឍដ៏រឹងមាំនិងយូរអង្វែង។
ជាការឆ្លើយតប លោកស្រីMogheriniបានថ្លែងថា សហភាពអឺរ៉ុបយកចិត្តទុកដាក់ជាទីបំផុតចំពោះការពង្រឹងទំនាក់ទំនងជាមួយភាគីចិន រីករាយក្នុងរួមសហការជាមួយភាគីចិន ដើម្បីបន្តពង្រីកកិច្ចសហប្រតិបត្តិការនានាក្នុងនោះបូករួមទាំងវិស័យការពារនិងសន្តិសុខជាដើម។
