ថ្ងៃទី១៨ខែមេសា លោកស្រីTheresa Mary Mayនាយករដ្ឋមន្រ្តីអង់គ្លេសបានប្រកាសថា ប្រទេសអង់គ្លេសនឹងធ្វើការបោះឆ្នោតសកលនៅមុនពេលកំណត់ ពោលគឺនៅថ្ងៃទី៨ខែមិថុនាខាងមុខនេះ ដើម្បីឲ្យរាជរដ្ឋាភិបាលថ្មីអាចធ្វើការងារកាន់តែល្អសម្រាប់ការតំណាងឲ្យប្រទេសអង់គ្លេសក្នុងការធ្វើការចរចាជាមួយសហភាពអឺរ៉ុបអំពីរឿងដែលអង់គ្លេសដកខ្លួនចេញពីសហភាពអឺរ៉ុប។
ឥស្សរជនអ្នកវិភាគបានសម្គាល់ថា លោកស្រីTheresa Mary Mayបានចូលជំនួសតំណែងរបស់លោកកាមេរ៉ុនមគ្គុទ្ទេសក៍បក្សអភិរក្សដែលសុំលាលែងពីមុខតំណែង នៅពេលអង់គ្លេសធ្វើការបោះឆ្នោតសកលអំពីការចាកចេញពីសហភាពអឺរ៉ុបកាលពីឆ្នាំទៅ ហើយក្លាយទៅជានាយករដ្ឋមន្រ្តីអង់គ្លេស ការរ៉ាប់រងមុខតំណែងរបស់លោកស្រីមិនមែនឆ្លងតាមរយៈការបោះឆ្នោតសកលទេ ហេតុនេះហើយបានជាការសម្រេចធ្វើការបោះឆ្នោតសកលគឺដើម្បីឲ្យលោកស្រីទទួលបានការផ្តល់សិទ្ធអំណាចពីសំណាក់អ្នកបោះឆ្នោតអង់គ្លេស។