ថ្ងៃទី២៥ខែមីនា លោកស៊ី ជីនភីងប្រធានរដ្ឋចិនបានផ្ញើសារលិខិតជូនពរចំពោះពិធីសម្ពោធបើកកិច្ចប្រជុំប្រចាំឆ្នាំ ២០១៧នៃវេទិកាបូអាវអាស៊ី។
លោកស៊ី ជីនភីងបានថ្លែងក្នុងសារលិខិតថា តាំងពីវេទិកាបូអាវអាស៊ីបង្កើតឡើងអស់រយៈពេល១៦ឆ្នាំមក វេទិកាមួយនេះបានដើរតួនាទីដ៏សំខាន់លើវិស័យរក្សាការប្រមូលផ្តុំមតិឯកភាពរួមរបស់អាស៊ី ជំរុញកិច្ចសហប្រតិបត្តិការក្នុងតំបន់អាស៊ីនិងលើកកម្ពស់ឥទ្ធិពលរបស់អាស៊ី។ ក្នុងឋានៈជាម្ខាស់ផ្ទះ ប្រទេសចិនមានក្តីសប្បាយរីករាយចំពោះសមិទ្ធផលនៃវេទិកាមួយនេះ ព្រមនិងសូមថ្លែងអំណរគុណចំពោះការរួមវិភាគទាននៃសមាជិកក្រុមប្រឹក្សាភិបាល សមាជិកប្រឹក្សាយោបល់គ្រប់អាណត្តិនៃវេទិកាក៏ដូចជាឥស្សរជនគ្រប់មជ្ឈដ្ឋានផងដែរ។
លោកស៊ី ជីនភីងបានគូសបញ្ជាក់ថា ក្នុងឆ្នាំ២០១៧នេះ កិច្ចប្រជុំប្រចាំឆ្នាំ២០១៧នៃវេទិកាបូអាវអាស៊ីបានបើកធ្វើក្រោមប្រធានបទប្រឈមផ្ទាល់នឹងអនាគតនៃការធ្វើសកលភាវូបនីយកម្មនិងពាណិជ្ជកម្មសេរី បានបង្ហាញអោយឃើញនូវការយកចិត្តទុកដាក់ចំពោះបញ្ហាធ្វើសកលភាវូបនីយកម្មផ្នែកសេដ្ឋកិច្ចរបស់សហគមន៍អន្តរជាតិជាពិសេសគឺប្រទេសអាស៊ី។ រំពឹងថាភ្ញៀវកិត្តិយសជាតំណាងគ្រប់រូបអាចរួមវិភាគទានទាំងប្រាជ្ញានិងសា្មរតីដើម្បីដោះស្រាយបញ្ហាប្រឈមសម្រាប់សេដ្ឋកិច្ចពិភពលោកនិងតំបន់ សំដៅរួមគ្នាជំរុញដំណើរវិវឌ្ឍនៃការធ្វើសកលភាវូបនីយកម្មសេដ្ឋកិច្ច៕