នៅរសៀលថ្ងៃទី ២៤ ខែមីនា តាមម៉ោងតំបន់អូស្រ្តាលី នៅទីក្រុងស៊ីដនី លោកLi Keiqiang នាយករដ្ឋមន្រ្តីចិននិងលោកMalcolm Turnbull នាយករដ្ឋមន្រ្តីអូស្រ្តាលីបានអញ្ជើញចូលរួមវេទិកាមន្រ្តីទទួលខុសត្រូវប្រចាំខេត្តនិងរដ្ឋរបស់ប្រទេសចិននិងអូស្រ្តាលីលើកទី ២ និងថ្លែងសុន្ទរកថា ។
លោកLi Keqiang បានថ្លែងថា រដ្ឋាភិបាលចិនយកចិត្តទុកដាក់ខ្ពស់និងផ្តល់ការគាំទ្រចំពោះការបង្កើនការប្រាស្រ័យទាក់ទងនិងកិច្ចសហប្រតិបត្តិការរវាងប្រទេសចិននិងអូស្រ្តាលី ។ ប្រទេសចិនសូមស្វាគមន៍បណ្តារដ្ឋរបស់ប្រទេសអូស្រ្តាលីបង្កើនការប្រាស្រ័យទាក់ទងនិងធ្វើកិច្ចសហប្រតិបត្តិការជាមួយតំបន់ភាគកណ្តាលនិងខាងលិចរបស់ប្រទេសចិនឲ្យបានកាន់តែច្រើនថែមទៀត ។ សង្ឃឹមថា ប្រទេសទាំងពីរអាចពង្រឹងនិងពង្រីកកិច្ចសហប្រតិបត្តិការលើវិស័យកាន់តែច្រើនថែមទៀត និងរួមសហការគ្នាដើម្បីស្វែងរកឱកាសពាណិជ្ជកម្មកាន់តែច្រើន ។
ដោយឡែក លោក Malcolm Turnbull បានថ្លែងថា ទំនាក់ទំនងរវាងប្រទេសអូស្រ្តាលីនិងចិនមិនអាចកាត់ផ្តាច់ពីការសកម្មចូលរួមរបស់អាជ្ញាធរមូលដ្ឋាននោះទេ ។ ប្រទេសអូស្រ្តាលីនិងចិនជាដៃគូសហប្រតិបត្តិការដែលអាចជឿទុកចិត្តគ្នាបាន ប្រទេសទាំងពីរបានប្រឈមនឹងកាលានុវត្តភាពនៃសហប្រតិបត្តិការថ្មីៗជាច្រើន សង្ឃឹមថា ប្រទេសទាំងពីរអាចរួមគ្នាធ្វើការខិតខំប្រឹងប្រែង បន្តជំរុញការផ្លាស់ប្តូរនិងកិច្ចសហប្រតិបត្តិការថ្នាក់ខេត្តនិងរដ្ឋ ក្នុងន័យរួមវិភាគទានថ្មីដល់ការជំរុញភាពរុងរឿងថ្កុំថ្កើងលើវិស័យសេដ្ឋកិច្ចរបស់ប្រទេសទាំងពីរ ក៏ដូចជាជួយជំរុញពាណិជ្ជកម្មសេរីក្នុងតំបន់អាស៊ីប៉ាស៊ីហ្វិកផងដែរ ៕