ថ្ងៃទី២៣ខែមីនា សន្និសីទតុមូលស្តីពីមគ្គទេសក៍ប្រព័ន្ធសារព័ត៌មានដែលជាកិច្ចប្រជុំប្រចាំឆ្នាំ២០១៧នៃវេទិកាបូអាវអាស៊ីបានបើកធ្វើនៅក្រុងបូអាវខេត្តហៃណានប្រទេសចិន។
ថ្លែងក្នុងសុន្ទរកថាគន្លឹះ លោកវ៉ាង កឹងនានប្រធានកិច្ចប្រជុំនិងជាអគ្គនាយកនៃវិទ្យុអន្តរជាតិចិនបានលើកឡើងថា ការលើកកម្ពស់ដោយមានប្រសិទ្ធភាពនូវកម្លាំងផ្សព្វផ្សាយអន្តរជាតិនិងសិទ្ធិបញ្ចេញមតិគឺជាជាមតិឯកភាពរួមរបស់ប្រព័ន្ធសារព័ត៌មានអាស៊ី ការរួមគ្នាពិភាក្សានិងការធ្វើសមាហរណកម្មដើម្បីបង្កើតអង្គការសហប្រតិបត្តិការប្រព័ន្ធសារព័ត៌មានអាស៊ីគឺជាក្តីបំណងរួមរបស់អ្នកទទួលព័ត៌មាននៅអាស៊ី ការសកម្មធ្វើការផ្សព្វផ្សាយអំពីអន្តរអរិយធម៌ជាមធ្យោបាយដ៏មានប្រសិទ្ធភាពសម្រាប់ជំរុញឲ្យប្រជាជនយល់ដឹងពីគ្នា។ លោកវ៉ាង កឹងនានបានថ្លែងទៀតថា បច្ចុប្បន្នកម្លាំងរស់រវើកថ្មីរបស់អាស៊ីមានការកើនឡើងឥតឈប់ឈរ ប្រព័ន្ធសារព័ត៌មានអាស៊ីគប្បីបង្កបង្កើតទៅជាកម្លាំងរួមក្នុងការផ្សព្វផ្សាយ រៀបរាប់ឲ្យបានល្អនូវរឿងរ៉ាវរបស់អាស៊ី ចែករំលែកឲ្យបានល្អនូវបទពិសោធន៍របស់អាស៊ី និងលើកពីគម្រោងអភិវឌ្ឍ ក៏ដូចជារួមវិភាគទានទាំងប្រាជ្ញានិងស្មារតីសំដៅលើកកម្ពស់កម្លាំងផ្សព្វផ្សាយនិងឥទ្ធិពលនៃប្រព័ន្ធសារព័ត៌មានអាស៊ី៕
