ថ្ងៃទី ២៣ ខែមីនា លោកស្រីHua Chunying អ្នកនាំពាក្យនៃក្រសួងការបរទេសចិនបានថ្លែងថា បច្ចុប្បន្ន ស្ថានការណ៍នៅតំបន់សមុទ្រចិនខាងត្បូងមានសភាពកាន់តែល្អប្រសើរឡើងជាបណ្តើរៗហើយ ប្រសិនបើប្រទេសជប៉ុននៅតែប៉ុនប៉ងបង្កហេតុទៀត នោះប្រទេសចិនក៏ដូចជាប្រទេសជិតខាងផងដែរនឹងមិនយល់ព្រមឡើយ ។ ប្រទេសចិនមានមូលហេតុគ្រប់គ្រាន់ក្នុងការរក្សាការប្រុងប្រយ័ត្នខ្ពស់ចំពោះនិន្នាការនិងចេតនាពិតប្រាកដរបស់ប្រទេសជប៉ុន ។
សូមបញ្ជាក់ថា ក្នុងសន្និសីទកាសែតជាប្រចាំនាថ្ងៃដដែល មានអ្នកសារព័ត៌មានបានសួរថា ថ្ងៃទី ២២ ខែមីនា នាវាDDH-184Kaga ដែលជានាវាការពារផ្ទុកឧទ្ធម្ភាគចក្រខ្នាតធំបំផុតក្នុងចំណោមនាវាផ្ទុកយន្តហោះរបស់កងស្វ័យការពារលើសមុទ្រនៃប្រទេសជប៉ុនបានចាប់ផ្តើមដាក់ឲ្យប្រើប្រាស់សម្រាប់បម្រើការងារកងទ័ពជាផ្លូវការ ។ នាវាDDH-184Kaga បានបង្កើនសមត្ថភាពបាញ់ទៅក្រៅប្រទេសរបស់ជប៉ុន សម្រាប់ទប់ទល់នឹងឥទ្ធិពលរបស់ប្រទេសចិនដែលមានភាពកាន់តែខ្លាំងឡើងៗក្នុងតំបន់អាស៊ី ដែលអាចនិយាយបានថានេះជាកម្លាំងជាក់ស្តែងរបស់ប្រទេសជប៉ុន តើភាគីចិនមានការយល់ឃើញយ៉ាងណា ? លោកស្រីHua Chunying បានធ្វើការបកស្រាយដូចខាងលើ ៕