សន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានរបស់វេទិកា Boao នឹងរៀបចំធ្វើនៅតំបន់ Boao ខេត្តហៃណាន ប្រទេសចិននៅថ្ងៃទី ២៣ ខែមីនា ។ សន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានលើកនេះបានអញ្ជើញមគ្គុទេ្ទសក៍ប្រព័ន្ធសារព័ត៌មានចំនួនជាង២០រូបដែលមកពីប្រទេសនានាលើពិភពលោក ដូចជាប្រទេសកម្ពុជា ថៃ ជប៉ុន ឥណ្ឌូនេស៊ីនិងតួរគីជាដើម ដើម្បីពិគ្រោះពិភាក្សាគ្នាអំពីប្រធានបទ អនាគតថី្មនៃកិច្ចសហប្រតិបតិ្តការរវាងប្រព័ន្ធសារព័ត៌មានអាស៊ី ។
ប៉ុន្មាន់ថ្ងៃមុន ឯកឧត្តម គឹម គុណវឌ្ឍ អគ្គនាយកទូរទស្សន៍ជាតិកម្ពុជាបាន ផ្តល់ បទសម្ភាសជាមួយអ្នកសារព័ត៌មាននៃវិទ្យុអន្តរជាតិចិន ឯកឧត្តមបានថ្លែងថា
វិស័យព័ត៌មានគឺជាកញ្ចក់ឆ្លុះបញ្ចាំងនូវសង្គមនីមួយៗ សារព័ត៌មានបីដូចជាអាហារ ចំបាច់មួយសម្រាប់ប្រជាពលរដ្ឋ ដែលនឹងអាចដឹងបានថាមានអ្វីកើតឡើងក្នុង សង្គមរបស់ ខ្លួន។ សារព័ត៌មានក៏ជាស្ពានរវាងប្រជាជាតិមួយទៅកាន់ប្រជាជាតិមួយ។សារព័ត៌មានដើរ តួនាទីសំខាន់នៅក្នុងការធ្វើឱ្យសង្គមនីមួយៗបានទទួលពេញលេញ នូវអ្វីដែល បានកើតឡើង ហើយនិងអ្វីដែលនឹងអាចកើតឡើងក្នុងសង្គមរបស់ខ្លួននៅពេលអនាគត។
