អង្គការសហប្រជាជាតិដាក់តឿនឲ្យប្រទេសកូរ៉េខាងជើងគោរពយ៉ាងពេញលេញតាមសេចក្តីសម្រេចចិត្តនៃក្រុមប្រឹក្សាសន្តិសុខ

ទាក់ទឹងនឹងរឿងដែលប៉ុន្មានថ្ងៃកន្លងទៅ ប្រទេសកូរ៉េខាងជើងធ្វើតេស្តបញ្ឆេះម៉ាស៊ីនបាញ់បង្ហោះគ្រាប់រ៉ុក្កែត លោកFarhan Haqអ្នកនាំពាក្យរងនៃអគ្គលេខាធិការអង្គការសហប្រជាជាតិបានថ្លែងនៅថ្ងៃទី ២០ ខែ មីនា នេះថា លោក Guterres អគ្គលេខាធិការអង្គការសហប្រជាជាតិបានដាក់តឿនឲ្យប្រទេសកូរ៉េខាងជើងគោរពយ៉ាងពេញលេញតាមសេចក្តីសម្រេចចិត្តពាក់ព័ន្ធនៃក្រុមប្រឹក្សាសន្តិសុខ ដើម្បីជៀសវាងសកម្មភាពបង្កហេតុបន្ថែមទៀត ។

គួររំលឹកថា កាលពីថ្ងៃទី ១៩ ខែ មីនា តាមការផ្សាយដំណឹងនៃទីភ្នាក់ងារសារព័ត៌មានមជ្ឈិមកូរ៉េខាងជើងបានឲ្យដឹងថា ប្រទេសកូរ៉េខាងជើងបានធ្វើតេស្តបញ្ឆេះម៉ាស៊ីនបាញ់បង្ហោះគ្រាប់រ៉ុក្កែតស៊េរីថ្មីកាលពីពេលថ្មីៗកន្លងទៅនេះ ។