ថ្ងៃទី ១៨ ខែមីនា វេទិកាសហប្រតិបតិ្តការសេដ្ឋកិច្ចនិងពាណិជ្ជកម្ម និងជាកិច្ចប្រជុំពិភាក្សាអំពីការបណ្តាក់ទុននិងពាណិជ្ជកម្មនៃសហគ្រាសធុនតូចនិងមធ្យមរវាងចិននិងហ្វីលីពីនបានបើកធ្វើនៅក្រុងម៉ានីល ប្រទេសហ្វីលីពីន លោក Wang Yang ឧបនាយករដ្ឋមន្ត្រីចិនបានចូលរួមព្រមទាំងថ្លែងសុន្ទរកថាគន្លឹះ ។
ថ្លែងឲ្យដឹងក្នុងសុន្ទរកថា លោក Wang Yang បានគូសបញ្ជាក់ថា ប្រវតិ្តសាស្ត្រនៃការបង្កើតទំនាក់ទំនងផ្លូវទូតរវាងចិននិងហ្វីលីពីនមានរយៈពេល ៤២ ឆ្នាំហើយដែលបានបង្ហាញឲ្យឃើញថា ការធ្វើជាអ្នកជិតខាងល្អ មិត្តភក្តិល្អនិងដៃគូល្អ គឺជាជម្រើសដ៏ត្រឹមត្រូវតែមួយគត់ ។ មានតែប្រកាន់ខ្ជាប់ការចាត់ទុកទំនុកចិត្តជាមូលដ្ឋាន ឲ្យតម្លៃទៅលើសច្ចភាព ទុកផលប្រយោជន៍ជាចំណងទាក់ទង និងចាត់ទុកសន្តិភាពជារឿងសំខាន់បំផុត ហើយប្រកាន់ខ្ជាប់ការធ្វើសុខដុមនីយកម្មនិងចំណងមេត្រីភាពជាទិសដៅសំខាន់ ពង្រីកផលប្រយោជន៍រួមតាមរយៈកិច្ចសហប្រតិបតិ្តការជាក់ស្តែង ដោះស្រាយជម្លោះដោយសមរម្យតាមរយៈការសន្ទនានិងពិគ្រោះពិភាក្សាគ្នា ទើបអាចជំរុញទំនាក់ទំនងរវាងចិននិងហ្វីលីពីនឲ្យអភិវឌ្ឍតាមមាគ៌ាត្រឹមត្រូវនិងប្រកបដោយល្បឿនលឿន ៕
