អាជ្ញាធរប៉ូលិសថៃបានអះអាងថា ពេលធ្វើការឆែកឆេរនៅទីលំនៅមួយកន្លែងរបស់លោកWuthipong Kochathamakumអ្នកដឹនាំនៃក្រុមអាវក្រហមដែលស្ថិតនៅខេត្តPathum Thani កងទ័ពនិងប៉ូលិសថៃបានឆែករកឃើញអាវុធជាតិផ្ទុះដ៏ច្រើនសន្ធឹក។
អាជ្ញាធរប៉ូលិសបានអះអាងថា ពេលធ្វើការឆែកឆេរមិនបានមើលឃើញលោកWuthipong Kochathamakumទេ ប៉ូលិសបានចាប់ខ្លួនបុរសម្នាក់ដែលនៅយាមផ្ទះ។ ក្រោយពីការសាកសួរជាជំហានដំបូង បុរសម្នាក់នេះបានសារភាពថា អាវុធជាតិផ្ទុះទាំងនេះគឺលោក Wuthipong Kochathamakumស្តុកទុកក្នុងផ្ទះនេះក្រោយពីការជួបជុំតវ៉ាប្រឆាំងរាជរដ្ឋាភិបាលកាលពីឆ្នាំ២០១០ ហើយខ្លួនមិនដឹងពីសភាពការណ៍ជាក់លាក់នោះទេ។ អាជ្ញាធរប៉ូលិសបានឲ្យដឹងថានឹងធ្វើការស៊ើបអង្កេតថែមទៀតអំពីប្រភពនិងការប្រើប្រាស់នៃអាវុធជាតិផ្ទុះទាំងនេះ ព្រមនិងបញ្ជាក់ថាតើបុគ្គលពាក់ព័ន្ធអាចមានការទាក់ទិនជាមួយនឹងរឿងដែលលោកPrayutនាយករដ្ឋមន្រ្តីនិងលោកPrawitឧបនាយករដ្ឋមន្រ្តីនិងជារដ្ឋមន្រ្តីការពារជាតិថៃបានរងការគំរាមកំហែងពីការលួចធ្វើឃាតនាពេលកន្លងទៅនេះឬអត់៕