ថ្ងៃទី ១៧ ខែមីនានៅក្រុងCardiff រដ្ឋWales លោកស្រីTheresa May នាយករដ្ឋមន្ត្រីអង់គ្លេសបានទិទៀនបក្សប្រជាជាតិដែលជាបក្សកាន់អំណាចScotlandមានចក្ខុវិស័យខ្លីៗ ធ្វើជាមិនឃើញលទ្ធផលបោះឆ្នោតសកលដើម្បីឯករាជ្យពីមុនរបស់Scotland យកលេសនៃលទ្ធផលបោះឆ្នោតសកលអំពីការដកខ្លួនចេញពីសហភាពអឺរ៉ុបដើម្បីបំបែកអង់គ្លេស ។
ពេលថ្លែងសុន្ទរកថានៅវេទិការដូវផ្ការីកបក្សអភិរក្សអង់គ្លេសដែលធ្វើនាថ្ងៃដដែល លោកស្រីTheresa May បានថ្លែងថា តាំងពីការបោះឆ្នោតដកខ្លួនចេញពីសហភាពអឺរ៉ុបរបស់អង់គ្លេសនាខែមីថុនាឆ្នាំទៅមិញរៀងមក បក្សជនជាតិScotlandយកលទ្ធផលនៃការបោះឆ្នោតជាលេស ជំរុញឲ្យធ្វើការបោះឆ្នោតសកលដើម្បីឯករាជ្យម្តងទៀតនៅScotlandឥតឈប់ឈរ ។ លោកស្រីគូសបញ្ជាក់ថា ការបោះឆ្នោតដើម្បីឯករាជ្យមិនមានប្រយោជន៍ដល់Scotlandផង មិនមានប្រយោជន៍ដល់អង់គ្លេសទាំងមូលផងដែរ ។ លោកស្រីនៅបានអំពាវនាវឲ្យថ្នាក់ថ្នមព្រះរាជាណាចក្រសហភាព ៕