ដើម្បីអនុវត្តតាមអនុស្សរណៈយោគយល់ស្តីពីការបង្កើតគណៈកម្មាធិការរួមសម្រាប់កិច្ចសហប្រតិបតិ្តការលើសមុទ្ររបស់ឆ្មាំសមុទ្ររវាងនាយកដ្ឋានឆ្មាំសមុទ្រចិននិងកងឆ្មាំសមុទ្រហ្វីលីពីន ដែលបានចុះហត្ថលេខាក្រោមអធិបតីភាពរបស់អ្នកដឹកនាំនៃប្រទេសទាំងពីរចិននិងហ្វីលីពីននាពេលកន្លងទៅ ឆ្មាំសមុទ្រចិននិងហ្វីលីពីនបានបើកធ្វើសនិ្នសីទត្រៀមរៀបចំលើកទីពីរនិងជាសនិ្នសីទបង្កើតគណៈកម្មាធិការរួមសម្រាប់កិច្ចសហប្រតិ្តការលើសមុទ្ររបស់ឆ្មាំសមុទ្រពីថ្ងៃទី ២០ ដល់ថ្ងៃទី ២២ ខែកុម្ភៈនៅឈូងសមុទ្រ Subic ប្រទេសហ្វីលីពីន ភាគីទាំងពីរបានឯកភាពគ្នាធ្វើកិច្ចសហប្រតិបតិ្តការជាក់ស្តែងគ្រប់បែបយ៉ាងក្នុងវិស័យបង្ក្រាបឧក្រិដ្ឋកម្មឆ្លងដែន ការរុករកនិងជួយសង្គ្រោះលើសមុទ្រ ប្រតិកម្មរហ័សនិងទប់ទល់ជាបន្ទាន់ និងការបង្ក្រាបការជួញដូរគ្រឿងញៀនជាដើម ។
ថ្ងៃទី ២២ ខែកុម្ភៈ នាយកដ្ឋានឆ្មាំសមុទ្រចិនបានប្រកាសព័ត៌មានថា លោក Gudan អនុរដ្ឋមន្ត្រីក្រសួងគមនាគមន៍ហ្វីលីពីនដែលមានវត្តមានក្នុងសនិ្នសីទបានថ្លែងថា ការកសាងទំនុកចិត្តលើគ្នា កិច្ចសហប្រតិបតិ្តការនិងមិត្តភាពរវាងឆ្មាំសមុទ្រនៃប្រទេសទាំងពីរមានអំណោយផលក្នុងការពង្រឹងនិងពង្រីកទំនាក់ទំនងរវាងប្រទេសទាំងពីរថែមមួយកម្រិតទៀត ៕