ស្ថានទូតកូរ៉េខាងជើងប្រចាំម៉ាឡេស៊ីបានចេញសេចក្តីថ្លែងការណ៍ជាបន្តបន្ទាប់នៅល្ងាចថ្ងៃទី២២ខែកុម្ភៈដើម្បីច្រានចោលចំពោះអ្វីដែលក្រសួងការបរទេសម៉ាឡេស៊ីបានប្រកាសថាការស៊ើបអង្កេតរបស់ភាគីម៉ាឡេស៊ីមានភាពអព្យាក្រឹតនិងសត្យានុម័ត សង្ឃឹមថាភាគីកូរ៉េខាងជើងនឹងរួមសហការជាមួយម៉ាឡេស៊ីសំដៅជំរុញដល់ការងារស៊ើបអង្កេត សេចក្តីថ្លែងការណ៍បានចោទជាមន្ទិលសង្ស័យចំពោះការស៊ើបអង្កេតរបស់ម៉ាឡេស៊ី។
សេចក្តីថ្លែងការណ៍បានឲ្យដឹងថា ការស៊ើបអង្កេតគប្បីផ្តោតសំខាន់លើមូលហេតុស្លាប់របស់ជនរងគ្រោះ ជាមួយគ្នានេះដែរត្រូវប្រមូលភស្តុតាងអំពីការប្រព្រឹត្តបទឧក្រិដ្ឋរបស់ជនជាប់សង្ស័យទាំង២នាក់ ក៏ប៉ុន្តែភាគីម៉ាឡេស៊ីបានចោទប្រកាន់ថាពលរដ្ឋកូរ៉ខាងជើង២នាក់ជាជនជាប់សង្ស័យ។ ពេលកំណត់បញ្ជាក់អត្តសញ្ញាណរបស់ជនរងគ្រោះ ភាគីម៉ាឡេស៊ីមិនបានគោរពតាមការកំណត់បញ្ជាក់របស់កូរ៉េខាងជើងទេ តែគឺអនុលោមតាមគោលបំណងរបស់កូរ៉េខាងត្បូងទៅវិញ ដោយសំណូមពរឲ្យសាច់ញាតិទៅទទួលយកសពនិងធ្វើតេស្តDNAដែលធ្វើឲ្យអធិបតេយ្យភាពរបស់កូរ៉េខាងជើងរងភាពអាម៉ាស់បំផុត។ ហើយប្រការនេះទៀតសោតគឺល្មើសនឹងច្បាប់អន្តរជាតិនិងច្បាប់ទម្លាប់ការទូត ជាេហតុបញ្ជាក់ថារឿងនេះម៉ាឡេស៊ីលំអៀងទៅគាំទ្រចំពោះកូរ៉េខាងត្បូង៕
