សន្និសីទថ្នាក់រដ្ឋមន្ត្រីនៃអង្គការសន្តិសុខនិងកិច្ចសហប្រតិបត្តិការអឺរ៉ុបឈានដល់មតិឯកភាពគ្នាអំពីបញ្ហាជនភៀសខ្លួននិងវិបត្តិនៅអ៊ុយក្រែនជាដើម

កាលពីថ្ងៃទី៩ខែធ្នូ សន្និសីទថ្នាក់រដ្ឋមន្ត្រីនៃអង្គការសន្តិសុខនិងកិច្ចសហប្រតិបត្តិការអឺរ៉ុបលើកទី២៣បានបិទសម័យប្រជុំនៅក្រុង Hamburg ប្រទេសអាល្លឺម៉ង់ ។ សន្និសីទបានឈានដល់មតិឯកភាពគ្នាអំពីបញ្ហាពិភាក្សាចំនួន១២ដូចជាចល័តនៃជនអន្តោប្រវេសន៍និងជនភៀសខ្លួនដោយទ្រង់ទ្រាយធំ វិបត្តិអ៊ុយក្រែន ការគំរាមកំហែងនិងការសាកល្បងឆ្លងដែនជាដើមព្រមទាំងអនុម័តសេចក្តីថ្លែងការណ៍រួម ។

អំពីវិបត្តិអ៊ុយក្រែន សេចក្តីថ្លែងការណ៍បានអំពាវនាវឲ្យភាគីនានាធ្វើតាមកិច្ចសន្យាជាបន្ទាន់និងគ្រប់ជ្រុងជ្រោយ ។

សេចក្តីថ្លែងការណ៍នៅបាននិយាយអំពីការដែលអង្គការសន្តិសុខនិងកិច្ចសហប្រតិបត្តិការអឺរ៉ុបបានដើរតួនាទីក្នុងការជំរុញទូទាំងពិភពលោកដោះស្រាយបញ្ហាចល័តនៃជនអន្តោប្រវេសន៍និងជនភៀសខ្លួន ហើយបានចាត់ទុកសេចក្តីប្រកាសក្រុងញូវយ៉កស្តីពីជនអន្តោប្រវេសន៍និងជនភៀសខ្លួនជាឯកសារណែនាំដោយគ្រប់ជ្រុងជ្រោយក្នុងវិស័យនេះផងដែរ ។

ក្រៅពីនេះ ក្នុងពិធីបិទសម័យប្រជុំនៅថ្ងៃដដែល លោក Frank-Walter Steinmeier ប្រធានតាមវេននៃអង្គការសន្តិសុខនិងកិច្ចសហប្រតិបត្តិការអឺរ៉ុបនិងជារដ្ឋមន្ត្រីការបរទេសអាល្លឺម៉ង់បានអំពាវនាវឲ្យអង្គការសន្តិសុខនិងកិច្ចសហប្រតិបត្តិការអឺរ៉ុបលើកកម្ពស់សមត្ថភាពបង្ការនិងដោះស្រាយការប៉ះទង្គិចដ៏មានប្រសិទ្ធភាព ហើយបានគូសបញ្ជាក់នូវលក្ខណៈជាបន្ទាន់ដែលធ្វើការគ្រប់គ្រងអាវុធធម្មតាជាថ្មីឡើងវិញដោយគ្រប់ជ្រុងជ្រោយផងដែរ ។