ព្រឹកថ្ងៃទី១៧ខែវិច្ឆិកាឆ្នាំ២០១៦ វេទិកាថួឡឹស្តីពីកិច្ចសហប្រតិបត្តិការផ្នែកផលិតភាពអន្តរជាតិរវាងប្រទេសចិននិងអាស៊ានបានសម្ភោធបើកនៅស្រុកផានក្រុងលីវផានស៊ុយខេត្តគុយចូវប្រទេសចិន នេះគឺជាសកម្មភាពវេទិកាស្តីពីកិច្ចសហប្រតិបត្តិការអន្តរជាតិរវាងប្រទេសអាស៊ាននិងរដ្ឋបាលតំបន់ថ្នាក់ស្រុកលើកដំបូងនៅក្នុងប្រទេស ។ ប្រទេសដែលចូលរួមវេទិកាលើកនេះមានដូចជា៖ ប្រទេសកម្ពុជា សិង្ហបុរី ម៉ាឡេស៊ី ឥណ្ឌូនេស៊ី ថៃ មីយ៉ាន់ម៉ា ប្រ៊ុយណេ ហ្វីលីពីន វៀតណាម និងឡាវ ។ ក្រៅពីនេះ មន្ត្រីទូតនៃបណ្តាប្រទេសអាស៊ានប្រចាំនៅប្រទេសចិន តំណាងសភាពាណិជ្ជកម្មនៃបណ្តាប្រទេសអាស៊ាន ព្រមទាំងថ្នាក់ដឹកនាំខេត្ត/ក្រុង/ស្រុក សហគ្រាសល្បីៗក្នុងប្រទេសចិន និងអ្នកសាព័ត៌មានសំខាន់ៗសរុបទាំងអស់ប្រមាណជាង២០០នាក់បានចូលរួមពិធីសម្ភោធបើកនេះ ។
វេទិកាលើកនេះបានជ្រើសរើសយកប្រធានបទ៖រួមបញ្ជូលក្នុងយុទ្ធសាស្ត្រផ្លូវសូត្រនៅលើសមុទ្រ បង្កើនកិច្ចសហប្រតិប្រត្តិការផ្នែកផលិតភាពអន្តរជាតិ ។ ហើយវេទិកានេះបានបែងចែកជាសាខាវេទិកា៤សំខាន់ៗ មានដូចជា៖វេទិកាកិច្ចសហប្រតិបត្តិការផ្នែកផលិតភាពនិងវិនិយោគ វេទិកាទេសចរណ៍លក្ខណៈពិសេសនៃតំបន់ដីភ្នំ វេទិកាកសិកម្មដែលមានប្រសិទ្ធភាពខ្ពស់ក្នុងតំបន់ដីភ្នំ និងវេទិកាកិច្ចសហប្រតិបត្តិការថាមពលនិងគ្រឿងសំណង់ ។ វេទិការនេះបង្កើតឡើងក្នុងគោលបំណងបង្កើតយន្តការកិច្ចសហប្រតិបត្តិការនិងការផ្លាស់ប្តូរជាមួយអាស៊ានដែលមានប្រសិទ្ធភាពក្នុងរយៈពេលយូរ ហើយឆ្លងតាមវេទិកានេះ បង្កើតវេទិកាផ្លាស់ប្តូរផ្នែកសេដ្ឋកិច្ចនិងពាណិជ្ជកម្ម វេទិកាផ្លាស់ប្តូរការចរាចរណ៍ទំនិញ វេទិកាផ្លាស់ប្តូររវាងសហគ្រាស និងវេទិកាផ្លាស់ប្តូរវប្បធម៍ជាដើម ។
ស្រុកផានមានលក្ខណៈប៉ះប៉ូវខ្លាំងក្លាលើវិស័យដូចជា កិច្ចសហប្រតិបត្តិការផ្នែកផលិតភាពនិងការវិនិយោគ កសិកម្មដែលមានប្រសិទ្ធភាពខ្ពស់ក្នុងតំបន់ដីភ្នំ កិច្ចសហប្រតិបត្តិការទេសចរណ៍លក្ខណៈពិសេសនៃតំបន់ដីភ្នំ ព្រមទាំងកិច្ចសហប្រតិបត្តិការថាមពលនិងគ្រឿងសំណង់ជាដើមជាមួយនិងប្រទេសអាស៊ាន ដោយមានលំហអភិវឌ្ឍន៍ធំសម្បើមនិងអនាគតនៃកិច្ចសហប្រតិបត្តិការទូលំទូលាយ ។ ការបើកធ្វើវេទិកាលើកនេះ នឹងមានអំណោយផលដល់ការធ្វើឱ្យកម្រិតនៃការបើកទូលាយរបស់ស្រុកផានកាន់តែស៊ីជម្រៅថែមមួយកម្រិតទៀត បង្កើនល្បឿនជំហាននៃការរួមបញ្ជូលក្នុងយុទ្ធសាស្ត្រនៃខ្សែក្រវ៉ាត់មួយនិងផ្លូវមួយរបស់ជាតិ មានអំណោយផលដល់ការបើកធ្វើវេទិកាកិច្ចសហប្រតិបត្តិការស្តីពីផលិតភាពអន្តរជាតិរវាងប្រទេសចិននិងអាស៊ាននៅស្រុកផានជាប្រចាំ លើកកម្ពស់ភាពល្បីឈ្មោះនិងកម្លាំងឥទ្ធិពលរបស់ស្រុកផាននៅក្នុងប្រទេសនិងលើឆាកអន្តរជាតិ ជំរុញដល់ការបង្កើតមជ្ឈមណ្ឌលផ្លាស់ប្តូរកិច្ចសហប្រតិបត្តិការផ្នែកផលិតភាពអន្តរជាតិរវាងប្រទេសចិននិងអាស៊ានរបស់ស្រុកផាន ព្រមទាំងមានអំណោយផលដល់ស្រុកផានជំរុញការបង្កើតខ្សែសង្វាក់ផលិតកម្មដែលមានលក្ខណៈប៉ះប៉ូវគ្នាខាងឧត្តមភាពជាមួយប្រទេសអាស៊ាន ជំរុញការកែប្រែប្រភេទនិងដំឡើងថ្នាក់របស់ឧស្សហកម្ម ។
