ថ្ងៃទី ២២ ខែតុលា នៅក្រុង Sirte ដែលជាទីក្រុងនៅភាគខាងលិចប្រទេសលីប៊ី កងការពាររបស់រដ្ឋាភិបាលសាមគី្គជនជាតិលីប៊ីបានជួយសង្គ្រោះចំណាប់ខ្មាំងជនបរទេស ១៣ នាក់ បន្ទាប់ពីធ្វើការប្រយុទ្ធយ៉ាងស្វិតស្វាញជាមួយជំពូកជនប្រដាប់អាវុធនៃអង្គការរដ្ឋអ៊ីស្លាម ។
នាប៉ុន្មានឆ្នាំកន្លងទៅនេះ ដោយសារស្ថានការណ៍ក្នុងប្រទេសលីប៊ីមានភាពច្របូកច្របល់ បានជាអង្គការភេរវកម្មនិងអង្គការជ្រុលនិយមបានពង្រីកក្របខ័ណ្ឌនៃកម្លាំងឥទ្ធិពលរបស់ខ្លួនក្នុងដែនលីប៊ី ។ អង្គការរដ្ឋអ៊ីស្លាមបានទន្រ្ទានកាន់កាប់ក្រុង Sirte និង Derna ជាដើមដោយឆ្លៀតពេលមានភាពច្របូកច្របល់ ព្រមទាំងបានបង្កើតទីជំរុកនៅក្បែរតំបន់ Tripoli និងតំបន់ Banghazi ទៀតផង ។ ចាប់តាំងពីខែឧសភារៀងមក រដ្ឋាភិបាលសាមគី្គជនជាតិលីប៊ីបានបង្កើតសម័្ពន្ធកងទ័ពស៊ីវិលប្រឆាំងរដ្ឋអ៊ីស្លាម ដោយបានបង្កើនកម្លាំងវាយប្រហារខាងយោធាទៅលើរដ្ឋអ៊ីស្លាមនៅតំបន់ Sirte ជាដើម ព្រមទាំងបានប្រកាសនៅខែសីហាថា ទទួលបានការវិវឌ្ឍន៍ធំសំខាន់ក្នុងសកម្មភាពយោធាផងដែរ ៕