ថ្ងៃទី២៤ខែកក្កដា លោកវ៉ាងអ៊ីរដ្ឋមន្រ្តីការបរទេសចិនបានជួបពិភាក្សាជាមួយលោកស្រីAung San Suu Kyiទីប្រឹក្សារដ្ឋនិងជារដ្ឋមន្រ្តីការបរទេសមីយ៉ាន់ម៉ានៅទីក្រុងវៀងចន្ទន៍ប្រទេសឡាវ។
លោកវ៉ាងអ៊ីបានបង្ហាញថា ភាគីចិនរីករាយក្នុងការបង្កើនការប្រាស្រ័យទាក់ទងជាន់ខ្ពស់ជាមួយភាគីមីយ៉ាន់ម៉ា ក្នុងន័យជំរុញកិច្ចសហប្រតិបត្តិការជាក់ស្តែងលើគ្រប់វិស័យ គាំទ្រដល់មីយ៉ាន់ម៉ាក្នុងការកែលំអជីវភាពរស់នៅរបស់ប្រជាជន បង្កើនការផ្លាស់ប្តូរខាងវិស័យមនុស្សសាស្រ្ត ដើម្បីបង្កបង្កើតជាមូលដ្ឋាននៃឆន្ទៈប្រជាជនសម្រាប់ចំណងមេត្រីភាពរវាងចិននិងមីយ៉ាន់ម៉ា និងដើម្បីបំពេញកម្លាំងចលករថ្មីសម្រាប់ទំនាក់ទំនងរវាងចិននិងមីយ៉ាន់ម៉ាក្នុងដំណាក់កាលថ្មី។
ជាការឆ្លើយតប លោកស្រីAung San Suu Kyiបានបង្ហាញថា ភាគីមីយ៉ាន់ម៉ាសូមកោតសរសើរចំពោះប្រទេសចិនដែលបានផ្តល់ការឧបត្ថម្ភគាំទ្រដល់ការអភិវឌ្ឍសេដ្ឋកិច្ចនិងដំណើរផ្សះផ្សាជាតិរបស់មីយ៉ាន់ម៉ា ក្នុងដំណាក់កាលដ៏សំខាន់នៃការអភិវឌ្ឍនិងកិច្ចកសាងរបស់មីយ៉ាន់ម៉ា សង្ឃឹមប្រទេសចិនក្នុងឋានៈជាមិត្តភ័ក្តិល្អរបស់មីយ៉ានម៉ា អាចបន្តផ្តល់ការគាំទ្រដល់មីយ៉ានម៉ាតទៅទៀត។ភាគីមីយ៉ាន់ម៉ាសង្ឃឹមធ្វើការខិតខំប្រឹងប្រែងរួមជាមួយភាគីចិន ហើយជឿជាក់ថា មិត្តភាពប្រពៃណីនិងកិច្ចសហប្រតិបត្តិការដ៏មេត្រីភាពរវាងប្រទេសទាំងពីរមីយ៉ាន់ម៉ានិងអាចបន្តទៅគ្រប់ជំនាន់។