សកម្មភាពមួយចំនួននៃសប្តាហ៍សន្និសីទរបស់អ្នកដឹកនាំអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកដែលហៅកាត់ថា APEC ឆ្នាំ ២០១៤ បានបិទបញ្ចប់ដោយគាប់ប្រសើរនៅថ្ងៃទី ១១ ខែវិច្ឆិកា។ ក្នុងមួយសប្តាហ៍កន្លងទៅនេះ អ្នកដឹកនាំនិងតំណាងនៃតួអង្គសេដ្ឋកិច្ចទាំង ២១ នៃអង្គការ APEC ព្រមនិងអ្នកដឹកនាំនៃមជ្ឈដ្ឋានឧស្សាហកម្មនិងពាណិជ្ជកម្មក្នុងតំបន់អាស៊ីប៉ាស៊ីហ្វិកបានជួបជុំគ្នានៅក្រុងប៉េកាំងប្រទេសចិន ហើយបានដើរដល់មតិឯកភាពសំខាន់ជាច្រើនក្នុងវិស័យដូចជាដំណើរការនៃតំបន់ពាណិជ្ជកម្មសេរីអាស៊ីប៉ាស៊ីហ្វិក ជំរុញការតភ្ជាប់និងប្រាស្រ័យទាក់ទងគ្នា ស្វែងរកការអភិវឌ្ឍន៍និងការច្នៃប្រឌិតថ្មីជាដើម។ កិច្ចប្រជុំបានអនុម័ត « កម្មវិធីប៉េកាំង » និង « េសចក្តីថ្លែងការណ៍ស្តីពីទំនាក់ទំនងដៃគូអាស៊ីប៉ាស៊ីហ្វិក » ដែលបានគូសបញ្ជាក់កាន់តែច្បាស់ថែមទៀតដល់ទឹសដៅអភិវឌ្ឍន៍ ក៏ដូចជាគោលបំណងនិងវិធានការនៃកិច្ចសហប្រតិបត្តិការសេដ្ឋកិច្ចក្នុងតំបន់អាស៊ីប៉ាស៊ីហ្វិកផងដែរ។
«េសចក្តីថ្លែងការណ៍» បានចែងថា យើងរួមគ្នាខិតខំក្នុងការជំរុញសេរីភាពនិងការបើកចំហនៃការបណ្តាក់ទុននិងការធ្វើពាណិជ្ជកម្មក្នុងតំបន់អាស៊ីប៉ាស៊ីហ្វិក ។ យើងសូមសន្យាថា រួមគ្នាកសាងទំនាក់ទំនងដៃគូអាស៊ីប៉ាស៊ីហ្វិកដែលប្រឈមមុខនឹងអនាគត លើមូលដ្ឋានសមិទ្ធិផលប្រវិត្តិសាស្ត្រនៃអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក ដើម្បីសម្រេចសុបិន្តអាស៊ីប៉ាស៊ីហ្វិកដែលអភិវឌ្ឍន៍ ថ្កុំថ្កើង និងឈានទៅមុខជាមួយគ្នា។
«កម្មវិធីប៉េកាំង» បានថ្លែងថា បណ្តាសមាជិកនៃអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកសម្រេចចិត្តបង្កើតសភាពការណ៍សេដ្ឋកិច្ចអាស៊ីប៉ាស៊ីហ្វិកបែបបើកចំហ ដើម្បីសម្រេចភាពរុងរឿងនៅតំបន់អាស៊ីប៉ាស៊ីហ្វិកជាមួយគ្នា។