ថ្ងៃទី២៣ខែតុលា មហាសន្និបាតរំលឹកខួបទី៧០ឆ្នាំនៃការដែលកងទ័ពស្ម័គ្រចិត្តប្រជាជនចិនចេញទៅជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់សហរដ្ឋអាមេរិកបានរៀបចំធ្វើ។នៅក្នុងសុន្ទរកថា លោកស៊ីជីនភីងបានសង្កត់ធ្ងន់ថា ថយក្រោយត្រវបានគេវាយដំ មានតែអភិវឌ្ឍន៍ទើបអាចធ្វើឱ្យខ្លួនឯងខ្លាំងបាន។ប្រទេសចិនត្រូវតែប្រកាន់ខ្ជាប់នូវការជំរុញការអភិវឌ្ឍសេដ្ឋកិច្ចនិងសង្គម បង្កើនកម្លាំងជាតិចម្រុះជាបន្ទាប់បន្តកើនឡើង សម្រេចបាននូវការអភិវឌ្ឍន៍ប្រកបដោយគុណភាពកាន់តែខ្ពស់ ប្រសិទ្ធភាពកាន់តែខ្ពស់ យុត្តិធម៌កាន់តែខ្ពស់ ជានិរន្តរភាពនិងសុវត្ថិភាពកាន់តែល្អ ហើយបន្តបង្កើតអព្ភូតហេតុកាន់តែអស្ចារ្យដែលធ្វើឱ្យពិភពលោកស្ងប់ស្ងែង ។
លោកស៊ីជីនភីងបានថ្លែងថា រយៈពេលជាច្រើនទសវត្សរ៍ក្រោយពីការយកជ័យជម្នះទៅលើសង្គ្រាមជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់សហរដ្ឋអាមេរិកកន្លងមក សង្គមនិយមប្រកបដោយលក្ខណៈពិសេសរបស់ប្រទេសចិនបានឈានចូលយុគសម័យថ្មី ប្រជាជាតិចិនទទួលបានការលោតផ្លោះដ៏មហិមាដែលចាប់ពីឈរក្រោកឡើង ក្លាយជាមានធូរធា ហើយរឹងមាំឡើង។ចងចាំការជ័យជម្នះនៅក្នុងសង្គ្រាមជួយកូរ៉េខាងជើងប្រយុទ្ធប្រឆាំងនឹងការឈ្លានពានរបស់សហរដ្ឋអាមេរិក ជំរុញបុព្វហេតុដ៏មហិមានូវសង្គមនិយមដែលមានលក្ខណៈពិសេសចិនក្នុងយុគសម័យថ្មី ត្រូវប្រកាន់ខ្ជាប់នូវតម្កល់ប្រជាជនជាស្នូល ស្វែងរកផលប្រយោជន៍សម្រាប់ប្រជាជន បំពេញមុខងារសម្រាប់ប្រជាជននិងទទួលខុសត្រូវសម្រាប់ប្រជាជន។ត្រូវគ្រោងផែងការការអភិវឌ្ឃន៍និងសុវត្ថិភាព ធ្វើឱ្យប្រទេសមានទ្រព្យសម្បត្តិហើយធ្វើឱ្យកងទ័ពខ្លាំងក្លា ពន្លឿនការធ្វើទំនើបកម្មក្នុងវិស័យការពារជាតិនិងយោធា៕