សភាប្រឹក្សានយោបាយប្រជាជនទូទាំងប្រទេសចិនបានរៀបចំកិច្ចប្រជុំសន្ទនាដើម្បីអបអរសាទរបុណ្យចូលឆ្នាំថី្មឆ្នាំសកលនៅទីក្រុងប៉េកាំងកាលពីថ្ងៃទី ៣១ ខែធ្នូ ឆ្នាំ ២០១៩ ។លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធាននៃគណៈកម្មាធិការយោធាមជ្ឈិមបានថ្លែងសុន្ទរកថាដ៏សំខាន់។
លោក ស៊ីជីនភីង បានសង្កត់ធ្ងន់ថា យើងជិតនឹងទទួលបានជោគជ័យដ៏អស្ចារ្យក្នុងកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយនិងសម្រេចបាននូវគោលដៅនៃការតស៊ូសតវត្សរ៍ទី ១ ។នេះគឺជាលទ្ធផលផ្លែផ្កានៃការតស៊ូជាយូរអង្វែង ហើយក៏ជាការកៀរគរឆ្ពោះទៅដំណើរថ្មីព្រមទាំងចេញដំណើរម្តងទៀតផងដែរ។យើងជឿជាក់យ៉ាងមុតមាំថា ដរាបណាប្រជាជននៃក្រុមជនជាតិទូទាំងប្រទេសរួបរួមគ្នាយ៉ាងជិតស្និទ្ធនៅជុំវិញបក្សកុម្មុយនិស្តចិន ពង្រីកឧត្តមភាពនយោបាយក្រោមការដឹកនាំរបស់បក្សកុម្មុយនិស្តចិននិងឧត្តមភាពនៃសង្គមនិយមដែលមានលក្ខណៈពិសេសចិន ក៏ដូចជា បង្ហាញនូវជំនឿចិត្តយ៉ាងមុតមាំ ពុះពារការលំបាកនិងឆ្ពោះទៅមុខ បង្ហាញនូវភាពក្លាហានក្នុងការប្រយុទ្ធនិងពូកែក្នុងការប្រយុទ្ធ ប្រាកដជាទទួលបានជោគជ័យក្នុងការសម្រេចបាននូវគោលដៅនៃការតស៊ូសតវត្សរ៍ទី ១ ៕