លោក Vadym Prystaiko រដ្ឋមន្រ្តីក្រសួងការបរទេសអ៊ុយក្រែនបានថែ្លងនៅក្រុងកៀវកាលពីថ្ងៃទី ១៩ ខែវិច្ឆិកា ថា អ៊ុយក្រែនរំពឹងថា សន្និសីទកំពូល ៤ ភាគីស្តីពី"រូបមន្ត Normandy "ដែលនឹងធ្វើឡើងនៅក្រុងប៉ារីសនៅដើមខែក្រោយអាចនឹងទទួលបាននូវលទ្ធផលជាក់ស្តែង ហើយភាគីអ៊ុយក្រែនមានឆន្ទៈ"សម្របសម្រួលដោយសមហេតុផល"។
លោក Vadym Prystaiko បានជួបពិភាក្សាការងារជាមួយលោក Heiko Josef Maas រដ្ឋមន្រ្តីក្រសួងការបរទេសអាល្លឺម៉ង់ដែលកំពុងបំពេញទស្សនកិច្ចនៅក្រុងកៀវកាលពីថ្ងៃទី ១៩ ខែវិច្ឆិកា។ភាគីទាំងពីរបានជួបសន្ទនាគ្នាស្តីពីការងារត្រៀមរៀបចំសម្រាប់សន្និសីទកំពូល ៤ ភាគីស្តីពី"រូបមន្ត Normandy "។
លោក Heiko Josef Maas បានថែ្លងថា ប្រទេសអាល្លឺម៉ង់តែងតែគាំទ្រអ៊ុយក្រែនក្នុងការធានារក្សានូវបូរណភាពទឹកដីនិងអធិបតេយ្យភាពជាតិ។ដើម្បីជួយដល់ការសម្រេចបាននូវសន្តិភាពចុងក្រោយនៅភាគខាងកើតនៃអ៊ុយក្រែន អាល្លឺម៉ង់និងបារាំងមានឆន្ទៈចូលរួមចំណែកនូវអ្វីដែលខ្លួនមានសម្រាប់សន្និសីទកំពូល៕
